تصحيح المسار

تصحيح المسار..

بقلم : حنان حامد

كل ما بتتأخر في حسم أمر في حياتك في التوقيت المُناسب كل ما فاتورة القرار هتبقى أغلى عليك!
وانت الخسران الوحيد لو فكرت توقف عمرك عند لحظة بعينها .

أسوء حاجة يعملها الإنسان في نفسه إنه يُدرك إنه ماشي غلط، إن المكان ده مش مُناسب له، أو الشخص ده بيأذيه…
او إنه كان فاهم الدنيا غلط وماشي في طريق مضيع فيه دُنيته وهيضيع عليه آخرته ويفضل مكمّل عشان خايف من طريق الرجعة!
خايف من ضريبة تصحيح المسار فيقرر بنفسه يكمل حياته تايهه!

في مقولة بتقول: (عندما تركب القطار الخطأ حاول أن تهبط في أول محطة لأنه كلما زادت المسافة زادة تكلفة العودة)…

ماتخافش تصحح المسار، أو تعترف بغلطك وتاخد طريق جديد، أو تبعد عن شخص وجوده مصعّب عليك حياتك، وبيأذيك..

شيل شيلتك.. وساعد نفسك.. وركّز في اللي جاي..