قصيدة لما أموت
قصيدة
لما أموت
قصيدة لما أموتأيمن البكرى
من أول يوم بنتولد
بيتكتب أخر يوم ف عمرنا
بتبدأ الرحله
نحب ونحلم ونخاف ونتجلد
وتعدى سنين ويتغير شكلنا
كل واحد فينا ليه حكايه
ومهما طال الطريق ليه نهايه
بتقابل ناس وتعرفهم
وناس كتير بتكتشفهم
تفرح وتحزن وتدور وتلف
وتبكى لحد ما الدموع تجف
وتوصل ل أخر فصل ف الرواية
لما أموت
ناس كتير هتفتكرنى
إمبارح كان معانا
كان بيضحك من غير خوف
كان عايش الحياه ذى الضيوف
لما أموت
ناس هتبكى دموع عليا
ودول أكيد كانوا أقرب حد ليه
وناس تانيه هتزعل شويه
وناس هيعدى الخبر عليهم عادى
مش هنشوفوا تانى مش هنسمع صوتوا
وخلاص مبقاش يقدر ينادى
كان بنئ أدم كتير غلبتوا المعاصى
ويمكن كان ساعات أنانى
كل واحد هيزعل عليا
بعد فتره ومع توهة الحياه
الكل هينسانى
لما أموت
صورى هتملئ الفيس
وناس كتيره هتترحم عليا
يوم يومين ب الكتير
وكلوا هيرجع لحياتوا الطبيعيه
وإل إمبارح كان منزل منشور علشانى
كاتب النهارده
عن فريقوا لما كسب فريق تانى
ب إختصار الحياه مبتقفش على حد
ومهما تبنى وتعلى أو تهد
لازم هترحل وهتفارق الحياه
ف إبنى بيتك الحقيقى
ب القرأن والصوم والصلاه
هى دى الحاجات إل هتلاقيها
لما تروح فى حته
محدش هيبقى معاك فيها
جوه قبرك هتبقى دى طوق النجاه
إقرأ ايضا
- نماذج قصصية رائدة للكاتب يوسف إدريس بثقافة الدقهلية
- محافظ القليوبية يتفقد طريق خط 12 و أعمال تطوير كوبري عرابي وأعمال النظافة بشوارع مدينة شبرا الخيمة
- رؤيه جديده تليق بالجمهورية الجديدة.. ضخ دماء شابة بحزب حماة الوطن بالإسكندرية
- محافظ المنوفية ورئيس شركة المياه يضعان حجر أساس إنشاء المبني الإداري الجديد للشركة
- محافظ الشرقية يُتابع أداء ملف تقنين أراضي أملاك الدولة
ونقدم لكم من خلال موقع (الراي العام المصري)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
