أنا الخاين
بقلم/ أيمن البكري
أنا الخاين أنا الخاين
أنا إل كنت من الاءول
مش واضح ومش باين
أنا إل سبتك
ف عز الضعف والكسره
ندمانه وقلقانه وغرقانه
ف الحزن والحسره
لا عملت حساب لحب سنين
ولا لحنين ولا عشره
كنتي شايفاني حد أصيل
طلعت فالصوا علي قشره
أنا ف الخداع ممتاز
وأخد عشره علي عشره
إذاي وأنا بزيد ف القسوه
كنتي بردوا خايفه عليا
ومن بصه ف عنيا
إيه إل بيا بتحسي
وكتير غلط فيكي
وعمري ما رجعت
قولتلك أسف ومعلهش
وإنتي قلبك مليان نار
بردوا بتلاقيلي أعذار
مع إن أنا مستهلش
وكتير بكل برود
ومن غير إحساس
كنت بهينك وسط الناس
من غير ما أفكر
شكلك هييبقي إيه
ولو حد جاب سيرتي
قدامك وأنا ف غيبتي
كنتي تردي لاعاش ولاكان
إل يغلط ف الاءنسان
إل بتسند عليه
أنا لو هتأسفلك
ف أنا أسف علشان
مقدرتش أكون الشخص
إل يستاهل إن إنتي تحبيه
أنا الخاين أنا الخاين
أنا إل كنت من الاءول
مش واضح ومش باين
