الرئيسية
أيدى فى أيدك
بقلم غاده عبد المنعم
أيدى فى أيدك
نبنى حياتنا
أيدى فى أيدك
نكسر خوفنا
يلا كفايه
نلحق بكره
انت حبيبي
وانا حبيبتك
ليه يا حبيبي
دايما تبعد
خايف ليه
بس من بكره
هيكون أحلى
طول ما الخوف
مش تالتنا
قرب لي
شوف فى عيني
حب كبير
ما أنا عشقاك
طول الليل
بفكر فيك
أيدى فى أيدك
وانا عمرى
ما سيبك
ولو بتخاف م الدنيا
وظروفها الصعبه
لا ما تخافش
ما أنا شارياك
ومال الدنيا
ما يشغل فكرى
انا عايزاك
ورغم ظروفك
حبيبي صدقنى
بكره هتعلى
وهتكون أعلى
طول ما أنا أيدى
فى أيدك
نقتل خوفنا
واوعى حبيبي
تخاف من بكره
سيبها على الله
ده اللى يحب
بصدق
يوفقه الله
انت حبيبي
وانا حبيبتك
أرمى همومك
واكسر خوفك
طول ما أنا جمبك
أيدى فى أيدك
