(اعتزل ما يؤذيك) أسهل مقولة اتكتبت علشان الواقع غير كدة تماماً علشان للأسف إحنا بنتعاطف بسهولة مع أي حزن أو دمعة أو كلمة أو موقف مع حد…!
تعاطفنا ده سبب الوجع والحزن والألم وكسرة القلب علشان بنصدق بسهولة ونقتنع بمشاعرنا وندمع بإحساسنا مع اقل حكاية بتتحكي بنتوجع عشان غيرنا وبعد كدة هما اللي بيوجعونا..!
الصدق وحسن الظن عندنا أكبر من ظن السوء مع الناس بنتعامل بطبيعتنا وأخلاقنا وضميرنا معاهم وإحنا شايلين معاهم الأمل والحلم بس للأسف هما الكابوس اللي دمر حلمنا…!
وقت ما بنحب بنهدي كل عواطفنا ومشاعرنا من غير حساب أو تفكير ليهم بنسكنهم قلوبنا من غير خوف أو قلق بنهديهم السعادة والفرح على حسابنا علشان يكونوا مبسوطين وبعدها تيجي الطعنة و والوجع منهم على قلوبنا وضعفنا في حبهم…!
في النهاية بالنسبالي الجملة (أعتزل ما يؤذيك) مش في الناس
لا في نفسك أنت قلبك وإحساسك ومشاعرك هما دول الأذى ليك للأسف علشان حب الناس معدش بضمير…!
