الاستاذ إسلام المحمدي مدرس مادة التاريخ في حوار خاص للرأي العام المصري

الاستاذ إسلام المحمدي مدرس مادة التاريخ في حوار خاص للرأي العام المصري

حوار: مريم وليد

الاستاذ إسلام المحمدي مادة التاريخ هي دراسة للحُقب الزمانية الماضية والسياسات والاحداث التاريخية الحالية

نبذة تعريفية بحضرتك ؟

إسلام المحمدى من الاسكندريه العجمى.
خريج ليسانس اداب جامعة الإسكندرية.
خبرة 7 سنين فى التدريس.

سبب اختيارك لمهنة التدريس ؟ خاصة التاريخ ؟

فكرة التدريس جت من انى عندى قدرة فى توصيل المعلومة بطريقة مختلفة وخصوصا وقتها كانت المادة معتمدة على الحفظ وحبيت الشغل دا لانى كان اهم حاجا عندى انى اشتغل حاجا انا اللى مسئول فيها و الفضل يرجع بعد ربنا الي امى هى السبب فى كل الخير اللى انا فى وعقليتها العلمية هى اللى خلتنى كدة.

سبب اختياري للتدريس مادة التاريخ دى حكاية كبيرة بس هى مش متجهز لها انا عمرى ماكنت متخيل انى اقدر اكون مدرس واشيل مسئولية بس حسابات ربنا عظيمة وده لانى طول عمرى موهوب فى واحب اسمع السياسية والأحداث والمعارك فى دى كانت البداية.

رأيك في نظام التعليم الحالي ” open book “

بنسبة لنظام الاوبن بوك هوا الصراحة عندى فى المادة فرق جدا كمعلم و كطالب لأن خلانى احترم العقول اللى قاعدة قدامى ويكون عندهم مساحة التفكير فى المنافسات اللى بتكون جوا المنهج لأن النظام خاضع للواقع اوى وربط الأحداث فى بتحس بمتعة التعليم.

ازاي بتدخل التكنولوجيا في توصيل المعلومات؟

التكنولوجيا فادت المدرسين كتير فى المجال لأنها وفرت عليهم طرق اسهل بكثير فى توصيل المعلومة والتدريب على الواقعية اللى احنا عايشين فيها وهى نتيجة برضو كل جيل عايشين فيه.

الجيل الحالي بالنسبالهم الأهم تكون اخ قبل مدرس ، ازاي بتقدر تعمل دا ؟

الجيل دلوقتي من وجهة نظرى عايز الوسيط م بين انك مدرس وبين انك اخ يعنى لازم الكفتين تكون قد بعض لأن مهما كان لازم الطالب يقدملك الاحترام ويسمع كلامك ويحبك دى بتكون اخ.

يعنى انا مبسوط جدا أن لما الاقى مع الوقت طلاب دخلوا يسألوا عليا ويقولولى افتكرنا حضرتك واحنا معدين دى عندى بالدنيا ودى اللى بتهون تعب المجال وطبعا زى م طلعت طلاب لحد النهاردة فاكرهم زى الدكتورة التخاطب مريم السيد و ميار ياسر و زى الإعلامية كريستينا نبية و لطيفة وعبدالله ونور الطيار الرسامة الموهوبة.

أمثلة كتير جدا بتفرح الواحد أن عندو النماذج العظيمة دى واصعب لحظات فى حياتى وانا بودع دفعة تالتة كل سنة لان فعلا الطلاب دى بتقعد مع بعض فى الحصة ب 3 و 4 ساعات ف الموضوع بيكون صعب الصراحة.

اسلوب المتابعة اللي بتستخدمه ؟

فكرة المتابعة للطلاب قائمة على جانب واحد هوا ازاى تحتوى كل الجوانب للطالب فى المادة يعنى من حيث امتحانات و متابعة حضور و كتابة استنتاجات و تركيز كل دا بيخلى المنتج الطالب فى مراحل متقدمة

نصيحه لأولياء الأمور؟

اكتر حاجة حابب اقولها لأولياء الأمور هى أن الجيل مختلف والزمن غير دور على الطرق اللى تخليهم يجروا عليك ويحكولك مش يحكوا برا اديهم الثقة الموضوع دا هيفرق معاهم جدا عرفهم انك محترم تعبهم وسيعهم ونبهم لو غفلة علية

نصيحة لطلبة الثانوية العامة ؟

وبنسبة اخيرا لطلاب ثانوية عاملة ( مبدأ واحد اتعلمتوا فى الفترة اللى فاتت انت عليك السعى وملكش دعوة بالنتيجة دى بتاعت ربنا هتتعب هيرضيك حتا لو وقتها شايف عكس كدة.
حسابات ربنا عظيمة واحنا كبشر نظرتنا ضعيفة.

https://www.facebook.com/mr.Eslamelmohamady?mibextid=ZbWKwL

https://www.youtube.com/watch?si=-r5x97GDlOvEnM-K&v=FlXl2LC0OQE&feature=youtu.be

01144811339

01006302477