شيرين: “الاعتزال هو الموت.. طول ما أنا عايشة هغني”
شيرين: “الاعتزال هو الموت.. طول ما أنا عايشة هغني”
كتبت:هدي احمد
تصدرت الفنانة شيرين عبدالوهاب مواقع التواصل الاجتماعي، بعد انتشار شائعات حول اعتزالها الغناء بسبب مشاكل شخصية، حيث خرجت لتوضح الحقيقة عبر مقطع صوتي نشره محبوها على السوشيال ميديا.
وقالت شيرين في المقطع الصوتي:
“أنا وصلني إني أنا بعتزل.. وأنا مودي مش حلو.. أنا كويسة جدا وبحضر مفاجآت مختلفة وجديدة هتفرحوا بيها أوي.. هغنيلكم بس من أماكن مختلفة.. هفضل أغني لحد ما أموت.. مفيش اعتزال.. الاعتزال هو الموت.. طول ما أنا عايشة أنا بغني.. وبحبكم، وواصل ليا حبكم”.
وأكدت النجمة أنها ستستمر في الغناء مهما كانت الظروف، وأن كل ما يُثار عن اعتزالها مجرد شائعات
وأضافت شيرين: “أنا مش بستسلم أبدا.. وفيه حاجات جامدة جدا بتحصللي من أقرب الناس ليا.. مش محاربات، لا تكسير وقتل.. بس أنا جامدة.. ربنا معايا، ربنا مقويني، وأنا بتاعتكم إنتو.. عايشة عشانكم إنتو.. واستنوا الحاجات الجديدة اللي نزلت.. وبحبكم قد الدنيا وأكتر من الدنيا.. وإنتو الدنيا بالنسبة ليا”.
وشددت على أن جمهورها يمثل لها كل شيء، وأنها ستستمر في تقديم الأعمال الفنية الجديدة التي تسعد محبيها.
مع تصريحات شيرين الأخيرة، اختفت الشائعات عن اعتزالها، وتحوّل الحديث على مواقع التواصل إلى ترقب كبير لكل جديد ستقدمه النجمة في الفترة القادمة، سواء من حفلات أو مفاجآت موسيقية مختلفة.
