الرئيسية
الاعلامية ساندى الشوالى: مشاكل المراة المصرية محور برامجى
كتب محمد محسن
يعتبر الراديو من اركان المنظومة الاعلامية خاصة انه مع انتشار الانترنت لازال يحتفظ بمكانته وزاد الاهتمام بالمحطات الاذاعية وانتشرت المحطات الاونلاين من اهم مذيعين الراديو المجتهدين الاعلامية ومذيعة الراديو ساندى الشوالى مجتهدة محترفة وجدت نفسها فى تقديم قضايا المراة من خلال برامجها على راديو محطة مصر وقدمت العديد من الحلقات الساخنة عن قضايا التحرش والعنف وتربية الاطفال وقانون الاحوال الشخصية فى حوارنا هنتعرف عليه وعلى اهم افكارها لبرامجها
من هى ساندى الشوالى ؟
ساندي الشوالي هي مصرية من القاهرة و ابنة خبير البترول العالمي المهندس سيد شوالي
متى كان اول ظهور ليكى على الراديو؟
– ٢٠١٣
اول موضوع ليكى على الراديو كان ايه؟
-مش فاكرة اوي دول ٨ سنين بس عمتا انا من اول مبدأت و انا متبنية كل ما يخص المرأة
من هو مثلك الاعلى فى الاعلام؟
-بتعلم منه كل حاجة مش بس في الاذاعة كمان في التعليق الصوتي اسامة منير هو مرجعي
مثلي الاعلي في الحياة بابايا و مامتي
مين اكتر واحد وقف جمبك وساعدك عشان تبقى مذيعة؟
– بابا و ماما و اخواتي و لما اتجوزت جوزي برضو كمل تشجيعي
ايه الموضوع اللى استغرق منك اطول وقت لاعداده؟
التحرش – لأنه موضوع و قضية مهمة جدا
ايه اكتر الموضوعات اللى بتعتزى بيها؟
-دايما بحب اتكلم عن المرأة المعيلة و بدعم اي امرأة واقفة علي رجليها و بتشتغل و تربي اولادها في عدم وجود الزوج
كيف جاءتك فكرة برنامجك
-برنامجي حاليا فكرته جاتلي لما بقيت ام قلت اتكلم عن الامهات و قد ايه هما (جبل) و الاطفال كمان
ايه اهم موضوعات وضيوف برنامجك
-الحقيقة ضيوف برنامجي معظمهم اصدقائي و اتشرفت بيهم و هما في مجالات مختلفة زي مجال الموضة – التجميل – الاعلام
مصمم الازياء العالمي هاني البحيري اختي خبيرة التجميل سارة شوالي -رباب قطب – الاعلامية حبيبتي سحر عباس – دكتور محمد الغلبان – سعيد حافظ- الخبيرة التربوية التونسية سماح الماجري – دكتور ايمن ابو النور استاذ النساء و التوليد – دكتور فتحي ابو زيد استاذ زراعة الاسنان و جراحة اللثة – مسئولين مبادرة لا للتحرش – الحقيقة كتير صعب افتكر كلهم بس اعتز و افتخر بيهم كلهم اللي قلت اسمائهم او اللي نسيت
هل كان عملك فى الاعلام حلم وتخطيط ام تغير مسار فى حياتك؟
-ده كان حلمي من و انا عندي ٤ سنين
هل دراستك الجامعية كانت فى مجال الإعلام أم فى مجال آخر ثم بعد الدراسة قررتى العمل فى مجال الإعلام؟
– كانت في مجال الاعلام
ماذا عن إتقان المذيع للغة العربية وإلقائها بشكل جيد؟
-دي ميزة مش موجودة عند ناس كتير
هل المذيع قادر على تقديم عدة قوالب اعلامية؟
-طبعا و لكن يظل قالب واحد هو اللي بيبدع فيه
هل ترين أن الإعلام المصرى قادرا على المنافسة عالميا؟
-طبعا و بكل ثقة و فخر زيادة عن ده ان السوشيال ميديا بقي ليها دور في توصيل صوت الناس و القضايا للاعلام
برأيك هل نجح الإعلام المصرى فى القيام بدوره فى توعية الشعب المصرى بقضاياه الهامة والتحديات التى تواجهها الدولة؟
– حصل بالفعل و نجح
هل هناك مدرسة إعلامية معينة تحرصين على تطبيقها خلال تقديمك للبرامج؟
-مقدرش اقول انا old school ولا لأ بس بحرص دايما اني اكون مواكبة الزمن و التوقيت
أحكى لنا عن نصيحة لا يمكن أن تنسيها وأثرت عليكى وكان لها دورا فى تشجيعك للنجاح فى مجال الإعلام؟–
بماذا تردين على البعض الذى يرى أن المذيع لابد أن يتخصص فى تقديم قالب إعلامى واحد إما نشرات أو برامج توك شو؟
-انا مع ان المذيع يجرب كل حاجة بس في الاخر يتخصص في حاجة واحدة plus ان يشوف هو شغفه فين و في ايه
ايه اهم قضايا المراة اللى مهتمة بيها وعرضتيها فى برنامجك
– اعتقد معظم قضايا المرأة ناقشتها انا بحرص دايما اني اكون علي علم و دراية بي كل ما يتعلق بالمرأة و في نفس الوقت بكون simple
أخيرا.. ما هى نصيحتك لأى شاب أو شابة يسعيان للعمل فى مجال الإعلام؟
-المذاكرة و التمرين المستمر هما مفاتيح دخولك للأعلام
ما هي طبيعة البرامج التي تقدمينها؟.
– المرأة في العموم و الامهات و الاطفال
بماذا تفكر ساندى حاليا ؟.
-في التليفزيون مع استمراري في الراديو لأنه بيتي الاساسيا.
وختاما: أكثر الصفات التي تعتزين بها في شخصية دساندى الشوالى ؟
– الجدعنة -الطيبة – الشهامة بابايا و مامتي ربوني انا اخواتي علي كل الصفات الحلوة و الطيبة
نفسك تبقى مذيعة تليفزيون ولا انتى حابه تاسسى تجربة اذاعية فيها بصمة ساندى الشوالى؟
– بفكر في التليفزيون بس في نفس الوقت بصنع بصمتي في الاذاعة لأني بحب الراديو حب مش طبيعي و بعتبره بيتي التاني
