التوازن

كتبت .. د ناديه جمال

 استشاري العلاقات الأسرية

حياتنا تمثل لينا باختصار علاقاتنا
احيانا اشخاص ومواقف بتاثر فينا وممكن كمان تغير حياتنا ككل
كتير مننا بيحلم ويرسم شكل لحياته
وكتير مننا بيحول احلامه لاهداف وبيحاول الوصول ليها وبيمر بمتاعب كتير وممكن تكون صعبه عليه
بس بيتحملها وبيتحمل تعبها مقابل ان يعيش الحياه اللي حاببها ورسمها لنفسه وكمان استعد ليها
وفجاه بيفترض عليه ظروف جديده
بتغير كل اسلوب حياته
بتغير حلمه وشكل حياته
هنا المشكله
انك تعيش وانك تتعايش
تعيش معناها ان حققت حلمك في دراستك في عملك في اختيار شريك حياتك
باختصار حابب كل تفاصيل حياتك
هتعيشها حتي لو في صعوبات بتعديها وانت راضي وهادي وبتاخد قرارتك بعقل
لانك حابب حياتك
في حاله انك متعايش
تختلف كتير الكلمه والمعني
متعايش يعني متقبل ظروف واشخاص ومواقف وممكن كمان شكل حياه كامله انقرضت عليك
لازم تعيشها ذي ما هي
بس نصيحتي

يكون في توازن في حياتنا
شويه ندور علي الحاجات اللي بتفرحنا او حتي اللي كانت جزء من حلمنا اللي متحققش ونعملها حتي لو في جزء صغير من وقتك
علشان تقدر تعيش وبدون ضغط نفسي
علشان تقدر تفكر في خطوات تغير بيها حتي لو جزء من حياتك
حاول ترضي وتفرح نفسك بابسط الحاجات
واقتنع ان التغيير هيكون ناتج من التوازن في كل امور حياتنا