الجاثوم شبح محاوطنا
كتبت د غادة مصطفي
كلنا بنمر بأحساس أنك تبقي بين النوم و اليقظة، أنك تبقي حاسس بالي بيحصل جنبك و سمعه، بس مش قادر تتحرك أكنك مشلول و فاقد القدرة علي الحركة، الموضوع ده أتكلم عنه الكاتب عبد الرحمن محمد و دا كاتب صغير في السن بس موهوب و له متابعيين كتير، و عبد الرحمن كتب عن الموضوع ده
-أهم علامات الجاثوم
انك تصحي من النوم مفزوع و ده بيكون عشان حاسس بحاجة وفجأة تلاقي نفسك مش قادر تحرك جسمك نهائي كل اللي انت قادر عليه هو انك تحرك عينك ،
سامع صوت نبضات قلبك بتزيد بتعرق بشكل غزير حاسس بدرجة حرارة وسخونية بتزيد في المكان في حاجة تقيلة واقفة علي صدرك مش قادر تتنفس وتبدأ أنك تتنفس بالعافية وتسمع صوت أنفاسك المخيف كأنك بتحتضر وفجأة وبعد لحظات بتبدأ تعرف تحرك جسمك وتبدأ تتنفس بشكل طبيعي ،
الأعراض دي كلها لما العلماء والدكاترة حبوا أنهم يستكشفوا فيها وجدوا ان دا حاجة أسمه شلل النوم ودا بيجي في الوقت اللي مابين الحلم و اليقظة
تفسيرها عقلك وقت النوم بيكون في وضعية السكون بتبقي وقتها بتحلم وفجأة وبدون سابق أنذار بتفتح عينيك عقلك لسة في مرحلة السكون وتبدأ يتهيألك حجات ومش قادر تاخد نفسك بسبب أن عقلك اللي بيدي أشارات لجسمك عشان تتنفس وتحرك جسمك بس للأسف عقلك بيكون في اللاوعي،
ودا كان رأي العلماء والطب ..
نيجي بقي لرأي آخر لباحثين ان اللي بيحصل للأنسان في الوقت دا بسبب ان في نوع من أنواع الجن بيكون واقف علي صدرك انت متخيل معايا جن بالقوة والتقل دا واقف علي صدرك ودا اللي بيسببلك مشاكل كبيرة وصعوبة التنفس بشكل طبيعي وقتها ،
وكمان درجة الحرارة العالية والسخونية بتكون بسببه ،
الجاثوم جن قوي جدا ويمكن يكون أشدهم خطورة وقوة وبتكون مهمته هي مراقبتك طول فترة النوم ،
– شكل الجاثوم بشع جدا مفيش قدرة انسان تقدر تتحمل مشاهدته لأنه بيتميز بشكله المخيف الطويل النحيف جدا وجلده الأسود اللي بارز منه العظام وليه جناح كبير ووجهه البشع المليان بالشعر وأسنانه البارزة
دايما وانت نايم لوحدك بتحس ان درجة الحرارة أرتفعت مرة واحدة أو انك بتحسس بحركة حتي لو بسيطة بس بتحس بأن في حاجة بتتحرك جنبك
مش عاوز أخوفك وأقولك ان دا بيكون الجاثوم بس في الحقيقة فعلا بيكون وقتها حاضر وقريب منك جدا وقتها كل اللي عليك انك تقرأ أي أية قرأنية وهتتخلص من كل دا في لحظات ،
الموضوع بيستمر أوقات كتير وبيتكرر أكتر خصوصا للبنات لأن الجاثوم ذكر وبينجذب جدا للبنات وبيقرب منهم بشكل أكتر عن الذكور
كل دا مجرد أراء تم التحدث فيها بخصوص موضوع شلل النوم او الجاثوم زي مابيقال بس الحقيقة فين محدش عارف بس نصيحة مني لازم تكون حذر جدا لان الأحتمال التاني ليه دلائل وحقائق كتير بتدل علي أنه بيحصل فعلا..
