الأستاذة مروه سليمان معلمة مادة الجغرافيا للصف الثانوي في حوار خاص للرأي العام المصري عن كل مايخص الطالب الثانوي
الأستاذة مروه سليمان معلمة مادة الجغرافيا للصف الثانوي في حوار خاص للرأي العام المصري عن كل مايخص الطالب الثانوي
حوار: هبة عادل
يُعرَّف “الجغرافيا”، بأنها التخصص الذي يُعنى بدراسة كل ما يتعلَّق بالأرض وخصائصها، والسكان، بالإضافة إلى الظواهر الطبيعية التي تحدث على الأرض، وفي الفضاء
فكان للرأي العام هذا الحوار الشيق مع الاستاذة مروه سليمان للتعرف عن كل مايخص مادة الجغرافيا وطلبة الثانوية.
نبذة تعريفية عن حضرتك؟
الأستاذة مروه سليمان معلم مادة الجغرافيا للصف الثانوي خريجه سنه ٢٠٠٧ عملت دراسات عليا في كليه تربيه وعملت دبلومه العامة ودبلومه خاصة، دبلومه مهنيه ومقدمه على تمهيدي ماجستير في كلية التربيه تخصص جغرافيا وانا من سنه اولى كليه
كنت ببدا شغل دروس وطبعا خاص لان مكنش في زمان نظام السناتر وكدا وبعد التخرج اشتغلت في مدرسة حكومية قبل الثورة مدرسة ابن النفيس المعمورة وكان معايا عقد مميز وبعد الثوره قامت فكل حاجه راحت العقود اتقطعت كلها وبعد كده لغوا المدرسين معاهم عهد مميز واشتغلت في مدرسه بعد كده مقدرتش اواصل بين المدرسه والشغل بره فالسنتر فسبت التدريس في المدرسه.
هل تعتبر مادة الجغرافيا مادة سهله؟
في طلبه كتير بتستسهل الجغرافيا بالذات الطلبه اللي حابه تدخل علمي فبيواجهنا مشكله دايما في اولى ثانوي عايز من اولي ثانوي اول سنه ادخل علمي فمش ههتم بالمواد الأدبية عامة ومن ضمنهم الجغرافيا هي ماده مش هقول سهله او صعبه هي بالطبيعي كل مادة فيها جزء صعب وجزء سهل ويتدرج يعني ممكن بتبدا سهله في المتوسط في اصعب فتبدأ تصعب المادة وبتصعب على الطالب المهمل بيكون مش بيذاكر وكمان مش بيهتم بالدروس مش بيحضر.
وللاسف بيواجهني الكلام ده في ثانيه ثانوي يجي الطالب محول من علمي اصلا يدخل أدبي فماخدش جغرافيا في اولى بيبقى جاي مش عارف اي حاجه عن الماده بالنسبله بتكون المادة عقده او صعبه بجد والطالب المجتهد بيدرسها وبيحبها بتكون كويسه ومش وحشه هي لذيذه من المواد الحلوه اللي اي طالب بيحبها بس لو ركز فيها ولم يهملها.
ماهو الاختلاف في المراحل التعليمية ؟
الفرق بين طالب اولى بيكون لسه طالع من المرحله الاعداديه بيكون مش عارف لسه هو عايز ايه اول شهر في الدراسه تحس انه ملتزم جدا بالرغم انه داخل مش عارف اي حاجه بمجرد ما يدخل المدرسه بيبدا يعرف ميوله بقى ويبقى عايز علمي فيترك المواد الادبية او انا عايز ادبي بس عايز انجح في المواد العلمية و بعدين المادة دي سهله الماده دي صعبة فالطالب اولى عامه بيكون طالب مذبذب فانا بعاني من طالب اولى بكده في طلبه بشوفها في اولى في اول السنه وبشوفها في اخر السنه خالص في طلبه عارفه اني بعرف اعمل حصه الم فيها المنهج فخلاص بيجي في الحصه دي.
طالب تانيه ده مبحبش اتعامل معاه بجد بيكون فعلا طالب فهمان انا عارف النظام وعارف نظام الامتحان وعارف كل حاجه خلاص فمش هتعب نفسي هبقى اروح في الاخر هبقى اروح في الامتحانات على طول.
ولكن طالب تالته ثانوي بيكون ملتزم انا ما بعانيش مع تالته لان في ناس كثير بتقول طالب علمي بيكون ملتزم اكثر من أدبي لكن طالب ادبي حلو مش وحش وبيبقى ملتزم بس بالطبيعي حاسس انها اسهل شويه من الفيزياء والكيمياء والمواد دي بس بيبقى ملتزم واحسن وكمان يتميز انه احسن انواع الطلبه هو طالب تالته في التعامل معاه.
عايزين نعرف صفات المعلم الناجح من وجهة نظرك؟
احترام الطالب يحترم الطالب بتاعه يلتزم بوقته بحصته وما يتاخرش على الطالب يتقي الله اهم صفة ميكونش في ذمتين يشرح في كل الاماكن زي بعض يعطي طاقه لطلابه وكمان اهم حاجه يكون واثق في نفسه وفي قدراته عارف مؤهله وتخصصه في كده لان احنا بتوجهنا فتره ان المدرس الغير متخصص بيكون مستسهل المواد الأدبية فاهو عايز يشتغلها فبيقعد يذاكر تاريخ ويشتغل ويذاكر جغرافيا ويشتغل اهم حاجه يتقي الله في الطالب وتكون عارف نفسك عندك خبرة ومؤهل لانهم ما بيكونو امانه والفلوس اللي هم بيدفعوها دي امانه لازم ياخذوها في شغل ومجهود والاهتمام والاحترام الطالب متلغيش الحصص طبعا.
بالنسبة لاستخدام التكنولوجيا في التعليم؟
طبعا يعني التكنولوجيا أصبحت فرض علينا فهي خلت النظام الجديد يعني في امتحانات الكترونية وامتحان على التابلت فالطبيعي احنا بنعمل امتحانات الالكترونيه لأجل نواكب النظام الجديد والتعليم الجديد المدرس لازم يكون متطور بيشوف النظام ماشي ازاي ويتماشى معاه اساسا فانا علي نظامي الشخصي فانا بتعامل على النظام الجديد.
هل النظام الجديد صعب بالنسبة للطلاب؟
بالعكس انا شايفه النظام ده حلو جدا وانا عاجبني النظام ده لانه مش بيخلي الطالب يصبح زي ما بيقولوا” بصمجي” بياخد يحفظ ويروح يفرغ المعلومه الطالب بيكون مبيعرفش يحفظ كان بيتظلم وكمان البيعرف يحفظ كذلك كان بيتظلم لانه مجرد ما يفرغ من المعلومه ينسى و النظام الجديد قايم على الاستنتاجات اكتر من الحفظ انا بدي المعلومه مش بتيجي زي ما هي في النص الامتحان علشان تيجي لازم تشغل دماغك ومخك ونظام الجديد كده انا شخصيا من الناس المؤيده للنظام الجديد انا شايفه انه حلو للمدرس بيفتح عقول الطلبه احسن بكثير من النظام القديم.
كيفية تحفيز وتشجع طلابك؟
التشجيع نفسي انا عن نفسي بتبع أسلوب انا مش بصفي لطالب خالص معنديش حاجه اسمها تصفية إلا في حالات الضرورة القصوى انا مهمتي ماصفيش للطالب مش عايزه الطالب الشاطر بس لازم اكون مدرسه متنوعه اشتغل على جميع الفئات أخذ الطالب الضعيف و اقوي والمتوسط واقوي والاقوى احافظ عليه مش انت ضعيف مع السلامه لازم العامل النفسي أهم حاجه فانا الحمد لله كلهم يعتبروني بجد داعم ليهم لان انا بحب بجد اخليهم متحفزين للموضوع حتى لو انت سقطت في الامتحان مش مشكله مش نهاية العالم تاخد امتحان تاني وتالت ورابع وافضل معاك لحد ما توصل وكمان بعمل رحلات و حفلات و تكريمات بوكيهات ورد لسه بعملها وبوزعها امبارح والنهارده والحاجات دي بتفرق مع نفسية الطالب و تحسنها اكتر.
نصيحة لأولياء الأمور؟
مشكله ولي الامر انه لسه عايش مع النظام القديم ان هو يا حبيبي ذاكر انت معدتش ٨ ساعات تذاكر الفكرة ان في يمكن فعلا في النظام القديم يقعد ساعه يلم الدنيا فهم لكن مش مقتنعين ده بالنسبه لهم الكم انت قعدت كم ساعه النظام الجديد مبيحسبش الكم في ساعات ممكن تقعد ساعه ومتفهمش حاجه و ممكن تقعد ساعه او ساعتين وهتلاقي نفسك فاهم الدنيا وخلصت الدنيا والنظام الجديد في حل كتير أكتر من انت تقعد تصم الكتاب لازم تقعد تحل فانا بيواجهني مشكله مع أولياء الأمور ان اولادهم بتكون متفوقة لحد ما يدخل ثانوي يجيب درجات مش حلوه فا ولي الامر قام بمعاقبة الطالب ومسحوب منه الموبايل ولي الأمر بيجي يكلمني فانا بجد بكلم ولي الأمر أن في سنه اولى لازم يلطش كتير فسيبهم يجربوا لانهم بياخدوا مواد ادبي مواد علمي فالموضوع تقيل عليهم ونفس الوقت ان لازم تدخل علمي متدخلش ادبي لازم تبقى دكتور وانا عارفه ان ولي الامر نفسه يشوف ابنه احسن واحد في الدنيا بس دي قدرات العلمي ما بيفرقش عن الأدبي كلها مواد صعبه كلها مواد بتدرس كلها بتكمل بعضها عايز يسيبهم يختاروا مصيرهم علشان كل واحد يتحمل قراره واختياراته وشغله وحياته لانها خلاص أصبحت طلبه كبيره ما في الكفايه.
ممكن كلمه اخيره نصيحة تخص طالب ثانويه عامه؟
طالب ثانويه ثالثه ثانوي المفروض الناس دي مش محتاجه نصائح هي عارفه هي في سنه كام حضرتك في ثالثه ثانوي مش مستني حد ينصحك صدقني اي طالب ثانويه عامه هو رقيب نفسه انت اتدلعت ما في الكفاية في اولى وثانيه في ثالثة بقى لا متضيعش اهلك واملهم فيك لان الاهل هم اكثر ناس بيتعشموا في ثانويه عامه متعشمين جامد في ولاده و في الأخر لا قدر الله ما يجيبوش المجموع اللي هم بيتمنوه مش عايزه الطالب يضيع فرحة اهله هي النتيجة متضيعش فرحتك ولا فرحة الناس ما تجريش ورا اصحابك ما تمشيش مع اصحابك مش فاهمين من المدرس فانت ماشي مش فاهم زيهم كمل مع تكون انت فاهم منه كمل مع المدرس بترتاح معاه وركز وصلي واتقي الله في اهلك وفي وفلوسهم علشان في الاخر السنة تفرحوا وبعد كده يا سيدي لما تدخل الكليه اعمل اللي انت عاوزه الكليه بتكون غير ثانويه عامه الضغط والتوتر بتاع ثانويه عامه بيكون اقل وربنا يوفقهم كلهم وان شاء الله تبقى مجامعهم كويسه وسنه سعيده عليهم.
اقرأ أيضًا:
طارق الشناوي: قائمة الأجور مفبركة والقوائم موجودة منذ زمن ولها منطق
شيرين عبدالوهاب تتقدم ببلاغ ضد شخص استولى على قنواتها وصفحاتها الرسمية
تحذير عاجل من الأرصاد: مرتفع جوي يضرب البلاد.. وأتربة ورمال مثارة على جميع الأنحاء
التجمع يناقش مقترح مشروع قانون الأحوال الشخصية الجديد ببني سويف
الصحة: تفعيل خدمة الإقلاع عن التدخين في 14 عيادة بمستشفيات أمانة الصحة النفسية
وزير الرياضة يهنىء منتخب مصر بالفوز بكأس إفريقيا للبومزا برواندا
منطقة الإسكندرية الأزهرية تعلن فتح باب التظلمات على نتيجة الدور الثاني للشهادة الثانوية الأزهرية
البنك الأهلي المصري يوقع اتفاقية مع مكتب أبو ظبي للصادرات لفتح خط ائتمان بقيمة 100 مليون دولار لتنمية الصادرات الإماراتية
نقدم لكم من خلال موقع (الرأى العام المصرى )، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
