الدكتور مصطفى العكازي اخصائي جراحة التجميل و الحروق في حوار خاص من القلب الي الرأي العام المصري

الدكتور مصطفى العكازي اخصائي جراحة التجميل و الحروق في حوار خاص من القلب الي الرأي العام المصري

حوار: منه الله أشرف

الدكتور مصطفى العكازي اخصائي جراحة التجميل و الحروق من أمهر الدكاترة في مجال جراحة التجميل  يتسم بالخبرة في مجال الجراحة وايضا بالتعاون والمحبة والروح السمحة لجميع المرضي فكان للرأي العام هذا الحوار :

• ممكن نبذه عن حضرتك؟

الدكتور مصطفى العكازي اخصائي جراحة التجميل و الحروق خبره أكثر من 10 سنوات في عمليات التجميل و كنت أعمل سنتين في الجراحة العامة و حصلت على شهادة من جامعة المنوفية في الجراحة العامة و لكني تخصصت في جراحة التجميل .

• ما هو سبب انتشار عمليات التجميل ؟

ان الناس اصبح لديها وعي فكري بأن التجميل ليس للترفيه ولكن لتغيير النفسيه لزيادة الإقبال على العمل و على الحياه بصفه عامة بسبب زيادة الثقه بالنفس .

• ما أكثر العمليات المطلوبه ؟

عملية شفط الدهون تصنف على انها أكثر العمليات طلبًا .

• هل عملية شفط الدهون لها شروط و معايير خاصة ؟

طبعًا .. احنا بنشفط دهون لمريض مش سمين لأني بعمل عملية تنسيق قوام وليس عملية تخسيس .. بمعنى إن وزن المريض بيكون قريب من الوزن الطبيعي .

• احيانًا بنسمع عن مضاعفات .. دي بتكون بسبب إيه ؟

بسبب إن المريض مش بيعوض السوائل التي تم فقدها أثناء عملية الشفط .. او إنه طالب شفط من مناطق متعددة و هنا بكون متوقع المضاعفات و بعمل حسابي في تعويض المريض بالدم والبلازما المطلوبين ومفيش مريض بيخرج من عندي غير و انا متطمن عليه بنسبة 100% .

• ازاي حضرتك بتتغلب على خوف بعض المرضي من اجراء عمليات التجميل ؟

اولا بطمن المريض ولازم يبقي عنده ثقة وابتدي بشرحله كل حاجه ببساطه ..

يعني مثلًا لو المريض مش حابب انه يقعد في المستشفى فهو بيخرج تاني يوم عادي جدًا ..

و طبعًا بيبقي في مريض خايف من الوجع بعمل كل الي اقدر عليه عن طريق التخدير الموضعي أثناء العملية و بياخد جرعه مخدره لمدة 5 أيام و بكدا بيكون وجع ما بعد العمليه أخف كتير و محتمل بالنسبة للمريض ..

وبعد العمليه بوفرله متخصص مساج و ممرض لعمل اللازم للمريض في بيته وبعد حوالي اسبوعين المريض بيتعافى تمامًا

**ما هي عملية شد الترهلات ؟

دا بيكون كمية جلد زياده على منطقه معينه شكله مش لطيف

و لو درجة الترهل بسيطه بتعامل معاه عن طريق الشفط او النحت الأيوني

اما لو الترهل متوسط او كبير بضطر اتدخل جراحيا عن طريق استئصال الجلد الزائد .

• **معروف ان الجرح الناتج عن عملية شد الترهلات بيبقا شكله مش لطيف .. حضرتك بتتعامل مع المشكله دي ازاي ؟

اولًا: احب اطمن المريض و اقوله ان الجرح شكله احسن من شكل الترهل ..

ثانيًا: التعامل مع الجرح بيكون على مدار 4 اشهر عن طريق الكريمات و بعد 4 او 6 اشهر الجرح أثره بيختفي نسبيًا ..

و لو المريض مازال مش راضي عن شكل الجرح بقدر اوفرله مكان ليزر او تاتوه بيداري شكل الجرح تمامًا .وفرله دكتور تغذيه و دكتور علاج طبيعي بأحدث التقنيات و كل دا بيحصل في بيت المريض .

وللحديث بقية