فخامة السيد الرئيس والرد الحاسم نحو حقوق الانسان
فخامة السيد الرئيس
والرد الحاسم نحو حقوق الانسان
تابع .. اشرف زيدان
الرئيس ..غسلهم ونشرهم وقلبهم زي فردة الشراب القديمة
الرئيس..فتح دفاترهم وكشف كدبهم وادعائتهم ومثاليتهم المزعومه
الرئيس.. عراهم قدام نفسهم وقدام العالم كله ..وخاصة شبابهم
الرئيس..قالهم بلهجه تهكميه ( بيهزأهم يعني ) ..انكم بتصرخو من عشرتلاف ولا عشرين الف …ورفضتو تستقبلوهم وشحنتوهم لبلادهم وسيبتوهم يواجهو مصيرهم المجهول والغرق في المتوسط
الرئيس .. قالهم احنا دوله علي قدها في الامكانيات ..ومع ذلك استقبلنا أكتر من (٦ مليون) بني آدم من كل أرجاء العالم ..وعاشو معانا ..واندمجو وسط شعبنا ..وحصلو علي كافة حقوق المصريين …من علاج وتعليم ورعايه صحيه وسكن ..ومااتكلمناش ولا اشتكينا ..ولا رفضنا دخولهم بلدنا ودفعناهم للموت والغرق في المتوسط.. أو يواجهو المخاطر عشان يجولكم أوربا..وعملنا ده بتواضع ..من غير مانتكلم
الرئيس ..ياتري هو حقوق ملايين اللاجئين اللي مرميين علي حدود الدول وداخلها في مخيمات بقالهم عشر سنين
دول مالهمشي حق في الحياة ؟؟ مالهمشي حقوق انسان ؟؟
الولد اللي كان عنده ٧ سنين بقي ١٧ سنه ..والبنت اللي كانت ٨ سنين بقت ١٨ سنة ..يعني بقو شباب دلوقتي ..دول مصيرهم ايه ؟؟
الرئيس..انتو في الغرب دول مستقره وعددكم مازادشي من اكتر من ٥٠ سنه ..وليكم نظامكم السياسي اللي عايزين تفرضوه علينا وعلي العالم .. دون درايه بظروف كل بلد وحال كل مجتمع مختلف عنكم ..وده اسمه ( التعااالي بالقوة والقدرة )…وعندما جاءت الجائحه اكتشف القصور في نظامكم الصحي والذي عجز عن المواجهه
الرئيس ..وهي الصراعات والحروب اللي حصلت في منطقتنا ودمرت كل الدول اللي حوالينا ..ومانجيش من شرها غير مصر ..وتسببت في تشريد وتهجير كل تلك الملايين من البشر حول العالم ..كان مين سببها ؟؟
هاااا ..ياتري حد حايرد ؟؟ مين اللي دخل باساطيله وطياراته ودباباته وضرب ودمر وخرب بلاد كانت امنه ومستقره تحتوي شعبها علي أرضها ؟؟؟ميييين؟؟
وبعدين جايين تحاسبونا احنا علي حقوق الانسان ؟؟
عن أي حقوق بتتكلمو ؟؟ وأي انسان تقصدو ؟؟
يعني بصريح العباره ..انتو مش مكسوفين من نفسكو ؟؟
هو مافيش حقوق انسان غير حقه في التعبير ؟؟ وحقه في الديموقراطيه ؟؟ …طب مانتو شايفين القيادات اللي بيتناحرو مع بعض حول العالم عشان السلطة مش اكتر..حد فكر في حق شعوبهم في حياه امنه ومستقره بعيدا عن صراعات التكالب علي السلطه ؟؟
الرئيس ..انهارده كان أكثر حزما وحسما ومباشره وقوة ضاربه ..وأثلج صدري وصدر كل مصري أمين مع نفسه وعلي وطنه .. ورفع راسنا أكتر واكتر حتي عنان السماء .
إقرأ ايضا
- نماذج قصصية رائدة للكاتب يوسف إدريس بثقافة الدقهلية
- محافظ القليوبية يتفقد طريق خط 12 و أعمال تطوير كوبري عرابي وأعمال النظافة بشوارع مدينة شبرا الخيمة
- رؤيه جديده تليق بالجمهورية الجديدة.. ضخ دماء شابة بحزب حماة الوطن بالإسكندرية
- محافظ المنوفية ورئيس شركة المياه يضعان حجر أساس إنشاء المبني الإداري الجديد للشركة
- محافظ الشرقية يُتابع أداء ملف تقنين أراضي أملاك الدولة
ونقدم لكم من خلال موقع (الراي العام المصري)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
