الشاعر المصري أحمد إبراهيم النجار يكتب قصيدة عيونك خدك التفاح
الشاعر المصري
أحمد إبراهيم النجار
يكتب قصيدة
عيونك خدك التفاح
قوليلي إزاي أعيش وانسي عيونك خدك التفاح ؟
قوليلي إزاي أعيش بعدك
وقلبي إزاي فى يوم يرتاح ؟
يا سحراني وملكاني
ووخداني فى بحر الشوق
يا عطر وفاح
وأنا بغرق ولا عارف
فنون العوم بعيشك فرحة مرسومه وف قربك
وبنسي جراح
قوليلي إزاي أعيش وانسي عيونك خدك التفاح ؟
قوليلي إزاي أعيش بعدك
وقلبي إزاي فى يوم يرتاح ؟
يا أجمل قمرة فى سمايه وضحكاية بتملى الكون
يا أجمل م الربيع طارح
معاني الحب عطر ولون
وأنا مش قيس ولا عنتر
لكن حبّك بكل جنون
لاانتِ عبله و لا ليلى
لكن أجمل نساء الكون
بحبك حب مش عادى
ولا هادى ده أنا الساكن
فى أشواقك
وأنا بحُبك أنا المجنون
وانا الدايب وأنا العاشق
ومش فايق
يا سحراني بأحلى عيون
وأنا السالك دروب الشوق
مابين رمشك
وعاشق عطرك الفوّاح
قوليلي إزاي أعيش وأنسى عيونك خدك التفاح ؟
قوليلي إزاي أعيش بعدك
وقلبي إزاي فى يوم يرتاح ؟
يا أجمل وردة فى ربيعي
ماليها أتنين جمال البسمة والخدين وسحر العين
وتكوينك وأنا العاشق
زمان حبك وأنا المكتوب
على سنينك
حبيبتي يا أغلى من روحي
ده أنا المرسوم
على جبينك
ولا غيرك فى يوم هيكون
قوليلي إزاي أعيش وأنسى عيونك خدك التفاح ؟
قوليلي إزاي أعيش بعدك
وقلبي إزاي فى يوم يرتاح ؟
يا سحراني وملكاني
ووخداني فى بحر الشوق
يا عطر الورد والياسمين
يا شوق الشوق
و أحلى شروق
يا غنوة مع الألحان
يا قلب جميل
بياض صافى بكل حنان
يا روح الروح يا مكتوبه
فى أشعاري يا فكر جميل وبيغازل فى أفكاري
يا إسم جميل على سطري مدينتي وانتِ عنوانى
وأحلامى وأيامى
ده قلبى ليكِ بيغني
أغاني العشق والأفراح
قوليلي إزاي أعيش وأنسى عيونك خدك التفاح ؟
قوليلي إزاي أعيش بعدك
وقلبي إزاي فى يوم يرتاح ؟
بقلم الشاعر المصري
أحمد إبراهيم النجار
