الفستان الأبيض
بقلم غاده عبد المنعم
الفستان الأبيض
فرحانه بفستانها
وآمال وأحلام
كتيره قدامها
فكرى يا عروسه
وأتأنى براحه
كده وأستنى
مش اى حد
هيبقى عريسك
حطى شروطك
والأول لازم
تكونى بتحبيه
مش لأى حد
الفستان الأبيض
تلبسيه
خودى راجل
ملو هدومه
يحبك ويقدرك
ويهمه دايما
منظرك
قدام قرايبه
وقرابيك
ويصون كرامتك
ويكون حبك
وعاشقك
وفى عينيه
شايلك
ويغطيك برموش
عينيه
وانت كمان
تحبيه وتخافى عليه
ويكون امانك
ويكون حنانك
ويكون كل اللى
ليك
وما تشوفيش غيره
قدامك
ولا حد تانى
يملى عينيك
الفستان الأبيض
مسؤوليه
ومستقبل وحياه
تانيه
اوعى تنخدعى
وتتغشي فيه
فكرى كتير
وقرري القرار ليك
ده حياتك انت
وما حد تانى
غيرك هيعيشها
ليك
فكرى كويس
وأختارى
واوعى لحظه
تحتارى
يا أما تفرحي معاه
وتتهنى
وتحسى انك عايشه
فى الجنه
يا أما حيبكيك
ويوريك العذاب
ويعيشك معاه
فى نار
ويخليك تبكى
ليل ونهار
خلى فستانك لايق
عليك
وألبيسه لحبيبك
اللى يكون
جدير بيك
فكري كويس
وأحسنى الأختيار
الفستان الأبيض
