النهارده العيد
بقلم /أيمن البكري
النهارده العيد يا خلي
يا أجمل شئ فاضلي
يا أحلي حاجه ف حياتي
وأحلي حاجه حصلت ف عمري
كل سنه وإنتي عيدي
وإنتي حلمي وحب عمري
وإنتي حبك بيجري ف دمي و وريدي
مين غيرك كان فاكرني
لما كلوا سابني هجرني
مين إل سأل عني
أول رساله الصبح جاتلي
كل سنه وإنت طيب
يا حبيبي يا حته مني
كل سنه وإنت عيدي
وإنت أحلامي ووعيدي
وكل أيامي إل جايه
النهارده العيد يا قمري
أه ياحبي وأه ياقدري
أنا إل عشت كتير ليالي
بشوقي وإنشغالي
وإنتي بس إل شاغله بالي
بجد تعبني سهري
كل سنه وإنتي عيدي
أيام بتروح وأيام بتيجي
وإنتي لسه ذي ما إنتي
ساكنه جوه قلبي
من غيرك إنتي قالها
النهاره العيد ياروحي
يا كل أحلامي وطموحي
قلبي بيبعتلك سلام
مهما أقول ف حقك
مش هيوصفك كلام
نظره واحده من عنيك
بتداوي كل الاءلام
كل سنه وإنت عيدي
وإنت روح قلبي وحبيبي
بدعي كل يوم يارب
ابقا ليك وتكون إنت نصيبي
