أحمد بتشان ينجو من حادث سير مروع بعد تهشم سيارته

كتبت:هدي احمد

تعرض المطرب أحمد بتشان لحادث سير مفاجئ، أثناء قيادته سيارته الخاصة والتي أدت إلى تهشم الجزء الأمامي منها دون وقوع إصابات خطيرة له.

ونشر أحمد بتشان صور تهشم سيارته عقب الحادث عبر حسابه الشخصي بموقع التواصل الاجتماعي “فيس بوك” وعلق قائلا: “”يمكن دي أول مرة أتكلم في حاجة زي دي، ودي مش أول مرة، بس حقيقي مبقتش فاهم في إيه يعني كل لما أبقى مبسوط شوية وتحصلي حاجة كويسة في حياتي، سواء نزول أغنية أو احتفال بعيد ميلادي أو أي مناسبة، لازم يحصل لي حاجة بعدها.

والحمد لله، اللي ربنا بيقدرني عليه بعمله، ومن غير تفكير ومن غير ما أتكلم عن حاجة زي دي، لأنها حاجة بيني وبين ربنا”.

وأضاف بتشان أنه رغم ما مر به فهو يشعر بالرضا التام عن كل ما يحدث في حياته، مؤكدًا أن ما حدث كان بفضل الله ورعايته وقال: “الحمد لله ربنا نجاني، وأنا الحمد لله كويس. الحمد لله إنها جت في الحديد، وإنه سترها معايا وربنا يحفظ الجميع ويبعد عننا أي شر”.

وواصل بتشان رسالته، مؤكدًا أن ما مر به يعتبر اختبارًا من الله، ولكنه يرى أن “الكرم الإلهي” قد حال دون أن يتعرض لحادث أكبر وقال: “ربنا كرمنا، وكان ممكن يحصل حاجة أكبر من كده. الحمد لله على كل شىء، وأنا راضي جدًا بكل حاجة بتحصلي. ده أكيد كرم من ربنا عليا، وده كله بفضل الله سبحانه وتعالى