تصريحات رئاسة الجمهورية فى سطور
تصريحات رئاسة الجمهورية فى سطور قلم نيفين ناصر متابعة عادل شلبى خلقت مصر لتحيا والعبور ليس فقط عبور خط برليف بل كان عبور الى المستقبل والذى كان عنوان تصريحات الرئيس السيسي فى سطور خلال الندوة التثقيفية بمناسبة احتفالات القوات المسلحة بنصر اكتوبر..
1- عايز أقول لأهالينا في سينا أنتم كان ليكوا دور دايما كجزء من شعب مصر .. أنتوا جزء من شعب مصر..قبل 67 وبعد 67 وقبل 73 ..وبعدها وحتى الآن يمكن الدولة المصرية مقدرتش فى وقت من الأوقات تعمل الواجب معاكم .. لكن إحنا بنحاول نشكركم ونرد جميل أهل سينا علينا كلنا.
2- وجه رسالة للفتاة البدوية ياسمين اللى تعرضت وأسرتها لحادث الروضة الإرهابي وقال (حنا بنتألم وأنتم شوفتوا .. مش بس الناس فى سينا دفعت تمن الإرهاب.. لا.. حتى كل الدولة المصرية .. أنتى شوفتى من أسرتك .. لكن كل أسرة مصرية قدمت شهيد أو مصاب دلوقتى .. كل أسرة من مصر يمكن مش فى سينا لكن فى الصعيد و الدلتا و القاهرة و إسكندرية.. كل محافظات مصر قدمت شهد ظباط وصف وجنود وحتى اللحظة دى اللى أنا بكلمك فيها ما زال هذا الأمر و ما زلنا نقدم شهيد حتى يتم التخلص تماما من الإرهاب)
(فلا تتألمي من قدر الله فينا لكن اطمئنى أيضا لقدر الله فينا.. بأيدينا كلنا تعود سينا افضل مما كانت والخير والأمن والاستقرار يعود فيها وفي كل ربوع مصر.. أنا بقولك وبقول للى بيسمعنى عمر الشر مهما كانت قدرته يقدر يهزم أبدا الخير..دي سنن ربنا فى الوجود الشر استثناء والخير هو القاعدة.. وعمر الاستثناء ما يهزم أبدا القاعدة).
3- وعن تحديات عمليات تنمية سيناء وجميع محافظات مصر.. قال (فيه تحديات طبعا وفيه صعاب.لكن بفضل الله سبحانه وتعالى هنتجاوزها وبكرة تشوفوا عطاء ربنا سبحانه وتعالى لبلدنا .. وهتشوفوه وهتبقوا مستعجبين قوى ازاى وليه.. علشان هو ربنا و علشان هو ربنا هيدينا كده.. دايما تحيا مصر..تحيا مصر .. تحيا مصر).
4- وتحدث عن حالة عدم الثقة في تحقيق النصر بعد 1967.. قال (مفيش مقال اتكتب فى جرايد مصر من وأنا عندى 9 سنين إلا لما كنت اقرأ عنه وعن حالنا وعن ظروفنا ولكل الكتاب الموجودين باختلاف ألوانهم واتجاهاتهم مكنش فيه ثقة ان إحنا نقدر نعبر ونحقق ده).
5- و هنا..
التحية للقائد اللى خد القرار ده وتحمل مسئولية..
وللشعب والجيش اللى قدم بكل عزم وتضحية..
وكل التحية للشهداء..
وكل التحية للمصابين فى هذه الفترة ..
مش هنسى شهدائنا ومصابينا ولكل مصر خلال الفترات اللى فاتت.. عشان نبقى موجودين دلوقتى بفضل الله فى نعمة .. ولسه .. بعزيمة الرجال هنحقق بقدرة أعز من كده).
6 – الدول العربية قدمت العديد لمصر خلال الفترة الصعبة التى مرت عليها من أول 3 يوليو 2013 .. قدمت دعما قويا فى اصعب الاوقات التى مرت على الدولة..
7 – الرئيس الراحل أنور السادات تمكن من رؤية .. أن بعض الأدبيات والمفاهيم لن تستمر بعد حرب أكتوبر ولا بد من تجاوزها بمفاهيم جديدة.. لذلك أطلق مبادرة السلام التي أثبتت قدرة السادات على قراءة الواقع بعد 40 عام وأكثر
تحيا مصر تحيا مصر تحيا مصر..
