أكذب ثم أكذب حتي يصدقك عدوك
بقلم ندي أبراهيم
نائب رئيس مجلس ادارة مؤسسة الطريق الي المستقبل للتنميه والتطوير
بسم الله الرحمن الرحيم
” إذا جاءهم أمر من الأمن و الخوف أذاعوا به ولو ردوه إلي الرسول و إلي أولي الأمر منهم لعلمه الذين يستنبطونه منهم ”
صدق الله العظيم – سورة النساء – الآية 83
الشائعات ظاهرة إجتماعية هدفها تضليل الرآي العام بالذات إننا بنلاقي الشائعات بتنتشر وقت بناء وإصلاح المجتمع فبتتصنف بإنها من أخطر الحروب المعنوية
بتسبب خطورة بسبب سرعة إنتشارها وتأثيرها خاصة علي الناس البسيطة
و دلوقتي بسبب السوشيال ميديا الموضوع بقي سهل في نشر الإشاعات وطبعا مبيكونش ليها أي أساس من الصحة
دار الإفتاء المصرية ذكرت
” ترويج الشائعات و إعادة نشر الأخبار دون تثبيت صحتها ، إثم شرعى و مرض إجتماعى ”
والشائعات أنواع منها :
شائعات الأحلام و الأماني : دى بتنتشر بين الناس بالمختصر هي الحاجة اللي بيحلموا ليها وبيتمنوا تحصل
شائعات الخوف : بتنتشر لما بيكون فيه موضوع الناس خايفة منه ف بيبدأوا يتوهموا امور كتيرة لا اساس لها من الصحة و النوع ده بيظهر وقت الازمات بالذات .
شائعات الكراهية : بيكون بدافع العدوان خاصة بتكون بين القوى المتصارعة
المفروض احنا كمجتمع نحاول نقلل من الشائعات ، عندنا أكتر من طريقة
1 – عدم منح الفرصة لإثارة الجدل والنقاشات الداعمة للمعلومات المضللة
2 – رسائل تصحيح معلومات مفصلة وجديدة دون الإكتفاء بمجرد تكذيب المعلومة
3 – إشراك الجمهور في مكافحة المعلومات المضللة و نشر الوعى
4 – اذا كان عندك فضول إنك تسمع أي اخبار فبلاش تاخد قرار بناءً علي اللي بتسمعه بس
لازم تدور وتسأل وتتأكد من مصادر موثوق فيها
5 – لازم نتأكد أن الهدف من الشائعات هي مجرد مصالح فردية أو جماعية أو زعزعة الإستقرار
الحكومة ليها دور مهم جدًا للرد علي الشائعات :
1 – يستعينوا بخطة لمواجهة الشائعات ، مش صح إننا نتجاهل الشائعات ولازم يكون فيه تواصل مستمر مع المواطنين وفهم احتياجاتهم وتفكيرهم .
2 – مراقبة وسائل الإعلام عليه عامل كبير جدًا لان فيه كتير من وسائل التواصل بتاخد معلوماتها من الشائعات ف لازم يكون فيه متابعة جيدة للشارع والسوشيال ميديا
و لأن مصر من أكتر الدول اللي بتتعرض لهجوم وإشاعات عملت جهاز لرصد الشائعات و دى فكرة مصر بتنفرد بيها كأول دولة في العالم تهتم بالرد علي الشائعات وإحترام عقول الناس
وبيشتغل المركز بشكل أساسي على قضية الوعي وهي منظومة متكاملة بتشارك فيها كل مؤسسات الدولة .
من أكتر الوزارات اللي بتتعرض للشائعات حسب الإحصائيات هي وزارة التربية والتعليم
وبعدها قطاع الإقتصاد واحنا بالفعل شوفنا ده الفترة اللي فاتت علي شكل الشائعات اللي بتستهدف حسابات العملاء في البنوك
وبالفعل اتعمل أكتر من اعلان لتوعية الجمهور من الموضوع ده
وحصل استهداف لتشويه الإنجازات زى :
الاشاعات اللي شملت العاصمة الإدارية الجديدة – مشروع الدلتا الجديدة – حياة كريمة وغيرهم…
المركز بدأ يحط خطط كمان لتطوير عمليات العمل والرصد
وبيعملوا تحليل و قياس عميق لما تم رصده من شائعات بشكل علمي ومنهجي .
فأحذروا ?
