المهندس  جهاد احمد عبد المنعم عمران مدرس مادة الفيزياء للمرحلة الثانوية في حوار خاص للرأي العام المصري

المهندس  جهاد احمد عبد المنعم عمران مدرس مادة الفيزياء للمرحلة الثانوية في حوار خاص للرأي العام المصري

المهندس جهاد عمران  الفيزياء العلم الذي يدرس المفاهيم الأساسية مثل الطاقة والقوة والزمان، وكل ما ينبع من هذا، مثل الكتلة والمادة وحركتها.

حوار / مريم وليد

نبذة تعريفية عنك ؟

– مهندس / جهاد احمد عبد المنعم احمد عمران

– مهندس اتصالات

– مدرس مادة الفيزيكس بمدرسة EGC

– دبلومة تربوي بكلية التربية

لماذا فضلت مهنة التدريس عن مجال الهندسة ؟

الأول كان مجال التدريس بالنسبالي هواية بشرح لاصدقائي وزمايلي بعد كدا لما اتخرجت دخلت في مجال الهندسة ومجال التدريس مع بعض ، كنت الصبح مدرس فيزيكس بمدرسة EGC وبليل مهندس اتصالات بالشركة ،ففي وقت من الأوقات صليت صلاة استخارة وقولت يارب وجهني للأفضل بالنسبالي ، فاربنا وجهني للتدريس اكتر وقفل سكة الهندسة بطريقة ما .

ازاي بتقدر تتعامل مع الطلبة ؟

– الفكرة كلها التعامل مع كل شخصية على حدي فيه شخصية بتحب تكون ليدر وفيه طلبة تانية بتكون منطوية ودا بيحتاج تشجيع أكتر واني احفزهم بطرق مختلفة ، تمييز عقليات الطلاب عن بعضها دي النقطة اللي بتوجه لأسلوب المعاملة .

ازاي بتدخل الأونلاين في نظام الشرح ؟

– الأونلاين أضاف مساحة كبيرة جدا من الوقت إني اقدر اتيح للطالب حل مجموعة كبيرة من الأسئلة بعد ما اكون خدت وقتي الكافي لشرح المعلومة نفسها بالحصة ،

واضافنا حاجة جديدة السنة دي تميزنا بيها عن الموجود حالياً ، دخلنا منظومة الذكاء الاصطناعي في المذكرات بتاعتنا بحيث ان كل جزأيه ليها ” Qr cod ” يقدر الطالب يعمله سكان ويدخل على شرح الجزء دا بشخصيات مختلفة وأصوات تلائم الشخصية على سبيل المثال شخصية ” باتمان ” وغيرها .

رأيك في نظام التعليم الحالي ” open book ” ؟

– نظام كويس جدا ينقصه أنه يبدأ مع الطالب من بداية مراحله التعليمية ، المشكلة اللي بتواجه الطلبة أنهم بيكونوا متعودين على سيستم معين لحد الإعدادية ويتفاجئوا في بداية المرحلة الثانوية بسيستم جديد عليهم فبنحاول نأقلمهم على الوضع الجديد ودا بيكون صعب وبيحتاج وقت ،

كنت اتمني انهم يقتبسوا من نظام ال ig أكتر لأنه منظم من حيث تقسيم المنهج نفسه وفيه مصادر معتمد عليها يتطرق إليها الطالب لأن كل نقطة بتكون متفرعة لكذا جزء ودا اللي بيتوه الطالب لانه ملهوش مرجع يستند عليه .

اسلوب المتابعة اللي بتستخدمه الطلبة ؟

– اسلوب المتابعة ينقسم لشقين أسبوعي وشهري

الأسبوعي  /  ولي الأمر بيتبلغ بالدرجات إن كانت كويسة أو وحشة وطبعا الحضور والغياب ،

الشهري / ريبورت شهري يصل لولي الأمر بتبان فيه كل حاجه ، درجاته في الامتحانات وعدد مرات الغياب وحتى المستحقات اللي دفعها الطالب ،

وعاملين نظام البونس أو تجميع النقاط فكل محطة بيكون ليها هدية معينة يعني مثلا اللي جمع ٥٠٠ نقطة بيكون ليه هدية مختلفة عن اللي جمع ٣٠٠ نقطة ودا بيخلي فيه تنافس حلو بين الطلبة .

نصيحة حضرتك لطلبة الثانوية العامة ؟

– نصيحتي إن مادة الفيزيكس محتاجه طالب هادي وواثق من نفسه والثقة بالنفس دي هتيجي مع الحل الكتير بالذات في النظام الجديد المادة العلمية بتكون محتاجة حل اكتر ماهي محتاجه شرح لأن كل سنة بتظهر مصادر كتيرة وأنواع جديدة من الأسئلة ،

وطبعا تنظيم الوقت في المقام الأول أهم حاجة لانه لو نظم وقته من بداية السنة هيكون مرتاح جدا انما لو مراكم عليه حصص أو بياخد مع اكتر من مدرس دا تضييع وقت ومجهود لأنه لو محتاج لفهم جزأيه معينة ممكن يشوف شرحها على اليوتيوب أو حتى يسأل مدرسه أو مساعديه ،

ودا بيكون سبب الضغط في الثانوية العامة .

نصيحة لأولياء الأمور ؟

لازم يكونوا داعمين لأولادهم ولو لقوا مستواهم ضعيف من غير عقاب قاسي ممكن نحفزهم بطريقة ما للتحسين من مستواهم لان العامل النفسي مهم جدا لطالب الثانوية العامة فهو لو لقي دعم نفسي من المقربين ليه دا هيديله طاقة إيجابية كبيرة جدا إنه يكمل .

01275263005

01007959378

https://www.facebook.com/enggehadomran?mibextid=9R9pXO