دكتور محمد عبد المنعم الجندي أخصائي التغذية والعلاج الطبيعي في حوار خاص للرأي العام المصري

دكتور محمد عبد المنعم الجندي أخصائي التغذية والعلاج الطبيعي في حوار خاص للرأي العام المصري عن كل مايخص التغذية العلاجية والعلاج الطبيعي

حوار / مريم وليد

 التغذية العلاجية هي منهج علاجي لمعالجة الأمراض الطبية والأعراض المتصلة بها عن طريق اتباع نظام غذائي معين يضعه ويتابع تنفيذه أخصائيو تغذية للمرضي.. فكان للرأي العام هذا الحوار الهام مع دكتور محمد عبد المنعم أخصائي التغذية والعلاج الطبيعي.

نبذة تعريفية بحضرتك ؟

– دكتور محمد عبد المنعم الجندي.

– أخصائي التغذية والعلاج الطبيعي.

– حاصل على دبلومة التغذية العلاجية.

– عضو الجمعية المصرية لدراسة السمنة.

أهمية تخفيض الوزن واتباع حمية غذائية صحية ؟

– السمنة أصبحت مرتبطة بعدة أمراض مثل ( الضغط ، السكر ، تصلب الشرايين ، أمراض القلب ، خشونه الركبة و تكيس المبايض  ) فأي حد بيعاني من هذه الأمراض يلزمه اتباع نظام صحي متكامل مع الأدوية المناسبة له ، واحيانا في بعض الحالات كمريض  السكري من النوع الثاني بيوصل انه مياخدش اي أدوية للسكر.

أيضا مرضى الضغط المرتفع والكوليسترول يساعدهم في الحفاظ على معدلاتهم الطبيعية .

ماهي أحدث أدويه تساهم في علاج السمنه وانقاص الوزن  ؟

حاليا في أدويه حديثه أثبتت فعاليه ونتايج ممتازه لعلاج السمنه وأحدثهم evaneotrim الللي بيعمل علي تقليل الشهيه والحد من  emotional eating أو مايسمى  بالجوع العاطفي ..

أيضا بعض الأدوية لعلاج السكر من النوع الثاني زي الساسكندا والفيكتوزا  أخدت موافقه من هيئه الدواء والأغذيه الأمريكيه fda باستخدامها كعلاج للسمنه.

ولكن لابد أي نوع منهم لازم يتاخد تحت أشراف طبيب ويحذر علي تناول أي نوع من الادويه غير باستشاره الدكتور الخاص بك وخصوصا مع انتشار بيع الأدوية المضره علي النت.

هل في حلول للسمنه الموضعيه للمناطق الصعب نزولها مع الدايت ؟

اه طبعا في أجهزه كتير اثبتت فعاليه كبيره للتخلص من السمنه الموضعيه وشد الجلد  للبطن والأجناب والأرداف زي : الكرايو والكافتيشن والهايفو والميزوثيرابي

وكلهم أمنين تماما وبيتعملوا بدون تخدير …

بس المهم نستخدم التقنيه المناسبه لكل حاله

هل يمكن للحامل اتباع نظام غذائى؟

اه طبعا وده لصحه افضل ليها وللجنين.

اول ٣ شهور  بنحتاج نهتم بمصادر الفوليك أسيد والاميجا 3

تاني ٣ شهور بنحتاج نزود في كميه الأكل اللي بتحتوي علي الكالسيوم والحديد والبروتين.

اخر ٣ شهور ناكل كل حاجه بتوازن …

وعموما نحاول نقلل من الموالح والسكريات والنشويات طوال فتره الحمل.

هل يمكن نعمل دايت أثناء فتره الرضاعه ؟

اه ممكن طبعا نعمل دايت متوازن شامل كل العناصر الغذائية لكن يفضل بعد ٦ شهور.

نصايح حضرتك للوقاية من السمنه ؟

نخلي اكلنا دايما في البيت بطريقه طهي صحيه والابتعاد قدر الامكان عن الوجبات الجاهزه والسريعه.

..التقليل من الاطعمه المصنعه والأطعمه اللي بتحتوي علي المواد الحافظه والمشروبات الغازية.

..منزودش من النشويات والسكريات اكتر من احتياجتنا.

..شرب ٢ لتر مايه يوميا.

…الحفاظ علي الرياضه وليكن المشي ساعه ٤ ايام أسبوعيا.