د/ نجلاء السيد أخصائي التغذية العلاجية في حديث خاص للرأي العام عن أهم النصائح التغذية العلاجية والسمنة

د/ نجلاء السيد أخصائي التغذية العلاجية في حديث خاص للرأي العام عن أهم النصائح التغذية العلاجية والسمنة

حوار: مريم وليد

نبذة تعريفية بحضرتك ؟

د / نجلاء السيد
اخصائي التغذية العلاجية
ععضو الجمعية المصرية للسمنة والتغذية العلاجية EISNO
زميل مؤسسة TC للتعافي
صاحبة مبادرة geo nutrition لفقدان الوزن بدون أدوية ورفع كفاءة الجسم وتنظيم الفيتامينات
صاحبة مبادرة شهيق للتعامل مع الضغط النفسي وعلاقته بإضطرابات الطعام

خطوات للبدء في نظام غذائي صحي ؟

الدايت:  مهم فيه التعامل من وجهتين نظر والاتنين ماشيين مع بعض بالتوازي وهو ان الجسم والصحة النفسية بمعنى إني مينفعش اشتغل علي جسمي و اسيب نفسيتي و مينفعش اشتغل علي نفسيتي و اسيب جسمي لازم الاتنين يكونوا ماشيين مع بعض لو انا بصيت علي جانب الجسم ف انا جسمي بيكون محتاج انه يمشي علي نظام دايت مناسب لحالتي الصحية سواء بقا في مقاومة انسولين ، تكيس مبايض ، مشاكل في الغدة ، اجهاد الغدة الكظرية / نقص الفيتامينات والمعادن ،

وايضا اللايف استايل بتاعي حتي لو انا باكل بليل اي اللي انا ممكن اكله بليل يخلي الدايت بتاعي مناسب مش لازم ان انا اعدل يومي علشان اعمل دايت انا ممكن اعمل دايت وانا نفس اللايف استايل بتاعي نفس مواعيد النوم و الصحيان بس يكون مناسب و تكون سعراته مظبوطة لاحتياجاتي واني اظبط المعادن و الفيتامينات بتاعتي لأنها بتأثر جدا علي حالتي النفسية ، مثلا فيتامين د بيجيب اعراض اكتئاب حاد جدا لو هو قليل او الحديد بيخلي الواحد عصبي
فمهم جدا اني اعمل نظام غذائي كامل بيعالج كل نقط الضعف اللي موجودة في جسمي بحيث اني اعلي كفاءة جسمي من غير ما احتاج لأدوية دايت لان احنا ضد ادوية الدايت تماما لان لها اضرار حتي لو فيها درجة أمانة عالية

ماهو الفرق بين الأكل العاطفي وإدمان الطعام ؟

الاكل العاطفي اني بكون محتاج اهرب من مشاعر معينه ف بروح الاكل بدل من مواجهه المشاعر دي او تسديد الاحتياج النفسي ده

ادمان الطعام هو اني مقدرش استغنى عن الاكل فاقد السيطره تماما عليه طول الوقت بفكر في الاكل، زي مثلا الكافيين الناس اللي مبتقدرش تعدي يومها من غير قهوة احنا كده بدأنا ندخل ف نوع من انواع ادمانات الكافيين .

هل تختلف الأنظمة الغذائية من حالة لأخرى ؟

احنا كأننا في بازل كبيرة كل واحد فينا مختلف عن التاني بنبدأ نحلل بقا الموضوع لحد ما الصورة توضح عندي هو انا عندي ادمان طعام ولا اضطراب نهم الطعام او شراهة الاكل ،

بعدها اتعامل مع ده الناحية التانية هو انا جسمي درجة صحته قد ايه ، إذ كان عندي مشكلة في الهرمونات و لا عندي مقاومة انسولين ، بعدها بنبدأ نشوف الفيتامينات قليلة ، من غير ما نلجأ لاي نوع من انواع أدوية الدايت نهائي احنا بس بنصلح الجسم كأننا بنجيب الجذور اللي عاملة عندي مشكلة مع الاكل او مشكلة مع الوزن سواء كانت مشكله نفسية او جسدية ، وبنبدأ نعرف الشخص ازاي يتعامل مع جسمه زي المفروض تتعامل معاه بالطريقه كذا طبعا الموضوع

ده بيكون محتاج خطة تكون محسوبة كويس جدا من كل حاجة يكون في تشخيص كويس جدا للحالة ممكن كمان ميكونش من اول مره ممكن نقعد مرتين تلاتة لحد ما نوصل لتشخيص اكيد للحالة جسديا ونفسيا الاتنين مع بعض عشان نوصل للنتيجة اللي احنا عايزنها
.
و الميزة عندنا ان احنا الوزن اللي بنوصله بيبقا صعب جدا لما نوقف نرجع تاني نزيد في الوزن لان احنا بنكون حلينا اصل المشكلة اللي بنكون شغالين عليها سواء سلوكيًا او جسديًا

نصائح عامة ؟

شرب الماء جيدا و والنوم المنتظم عشان قلة النوم بتأثر تأثير مباشر علي الحرق و الماء كذلك بتأثر علي الحرق و المود بتاعي خصوصا في الساعات الاولانية من الاستيقاظ اول ساعتين لو الماء قليل في جسمي ببقا صاحي بمزاج وحش جدا مش بيتعدل بسهولة غير بعد فترة من الصحيان
، المتابعة الدورية لحالتي الصحية .

الاكل هو ٨٠% من حالتنا الصحية و النفسية فهو حاجة مهمة جدا انها تكون صحية وتكون متوازنة

لو احنا هنلخص الموضوع كله في كلمتين ان ” انت ما تأكله ” اللي انت بتاكله هو ده انت سواء بقا شعرك، جسمك، حالتك النفسية ،
ف مهم جدا نعرف احنا بندخل ايه جسمنا عشان نلاقي نتيجة في الاخر او نعرف النتيجة اللي هنلاقيها ف الاخر .

للتواصل :

https://www.facebook.com/profile.php?id=100064024861071&mibextid=ZbWKwL

 

اقرأ أيضًا:

• البنك الأهلي المصري يحتفظ بشهادة الجودة في مجال الإمداد اللوجيستي من للعام الثاني على التوالي

• بنك مصر والبنك التجاري الدولي يمنحان تمويلا مشتركا لصالح شركة السادس من أكتوبر للتنمية والاستثمار “سوديك” بقيمة 4.14 مليار جنيه مصري لتمويل مشروعها بزايد الجديدة 

• وزير المالية: الإصلاح المالى والاقتصادي عملية ممتدة ومستدامة.. وأكبر من برامجنا الإصلاحية المدعومة من المؤسسات الدولية

• البنك الزراعي المصري يوقع بروتوكول تعاون مع وزارة الزراعة وشركة MAFI لتمويل الزراعات التعاقدية

• الرئيس عبد الفتاح السيسي يهنيء قضاة مصر بمناسبة الاحتفال بـيوم القضاء المصري

• النائب أحمد المصري يشيد بأستجابة مجلس أمناء الحوار الوطني لمطالبة الرئيس السيسي بإضافة بندًا عاجلاً لمناقشة قضايا الأمن القومي والسياسة الخارجية

• دكتوره نورهان الزقم اخصائي طب الاسنان و علاج اللثة في حوار خاص للرأي العام عن أهم اسباب التهابات اللثةوكيفية علاجها

• بنك القاهرة يوقع عقداً مع شركة بلتون لإدارة صناديق الاستثمار لتكوين وإدارة محفظة خارجية

نقدم لكم من خلال موقع (الرأى العام المصرى )، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.