الرأي العام المصرى فى حوار مع الدكتور سمير مرقس رفله أستاذ القلب والأوعية الدموية كلية طب الاسكندرية

الرأي العام المصرى فى حوار مع الدكتور سمير مرقس رفله أستاذ القلب والأوعية الدموية كلية طب الاسكندرية.

حوار/ عزه فوزى .هدى سلام

.. نرحب بالدكتور سمير رفله وهو يُحدثنا اليوم عن موضوع هام بامراض القلب ؛
وهو تنظيم ضربات القلب , اعراض خلل النبض , التشخيص والعلاج ، وهذا يعتبر تخصص هام ، الخلل ممكن دقات سريعه أو دقات بطيئه ، واسبابها ووسائل تشخيصها وطرق العلاج ومتى نحتاج لتركيب اجهزه تخص التشخيص الدقيق او تفيد فى العلاج .

_ماهي اسباب زياده معدل دقات القلب ؟
النيض الطبيعى من 60 الى 100 دقه فى الدقيقه أو من 50 حتى 90
— اولا بالنسبه للدقات السريعه نسبه كبيره تحدث نتيجة توتر او قلق او المريض بيعانى من انيميا او نشاط زائد للغده الدرقيه ،
ولذلك من اول وأهم الخطوات التشخيصيه هو تحليل الغده الدرقيه ودم كامل، ومعرفة التاريخ المرضي للحاله لانه بيفرق فى التشخيص ، هناك بعض الحالات عند السيدات بتكون اتعرضت لحالات نزيف متكرره مما أدى الى انيميا حاده ودي بتكون سبب فى زياده ضربات القلب . طرق التشخيص بنعمل رسم قلب وايكو, دي كلها تعتبر فحوص غير أختراقيه، قبل أللجوء لفحوص أكثر.

ثانيا . هناك اسباب أخرى خُلقية ، فقد يولد شخص احيانا بسلك زائد فى القلب ، الطبيعى إن هناك سلك مسئول عن نقل الاشاره الكهربائيه فى القلب بين عُقده اسمها( SAنود )وبين العُقده (AV نود) مابين الإذين الايمن والبُطين الايسر ، بينما فى هذه الحاله فالسلك الزائد ينقل الاشاره الكهربائيه من العُقده (SAنود) الى البُطين من غير مايمر بالعٌقده (AV نود) وتلك الحركه تؤدي الى لخبطه فى ضربات القلب وزياده دقات القلب واحيانا قد يصل الى ان يُغمى على المريض .

-ممكن تشرحلنا اكتر عن جهاز الهولتر مونيتور ؟
__ ده جهاز بيعتبر من ضمن الفحوص الغير اختراقيه بنركبه للمريض بيكون خارجى معلق لمدة يومين او اكثر بيتابع ويقيس ضربات القلب .
_ ماهى طرق العلاج لدقات القلب السريعه ؟
– بنبدا الاول بأقراص علاجيه بسيطه حسب حالة المريض وبتكون الحاله لا تستدعى القلق ، أو أقراص لتنظيم النبض واحيانا نحتاج لتدخل يشبة قسطرة القلب بنعمل من خلالها كيّ كهربي للسلك الزياده اللى بيعمل زيادة دقات القلب اللى اتكلمنا عنها سابقا .
_ وبعد توضيح الدقات السريعه ممكن نوضح الدقات البطيئه واسبابها وعلاجها ؟
_ الدقات البطيئه و أيضا السده الكهربيه:
اولا بنتأكد ان المريض ماخدش اى اقراص او ادويه ادت الى تباطئ ضربات القلب وهبوط ، لان فى ادويه من اعراضها مع بعض الحالات تباطئ ضربات القلب ،
ثانيا قد يكون نتيجة ضمور فى الاسلاك الكهربائيه ، وبعد الفحص برسم القلب وجهاز الهولتر مونيتور, نحدد العلاج وبتكون أيضا اقراص دوائيه بسيطه من غير تدخل اختراقى ،
لكن لو السده الكربائيه كامله من الدرجه التالته ، المريض فى هذه الحاله قد يتعرض للوفاه فى اى لحظه بسبب تباطئ ضربات القلب ، هنا بنحتاج نركب جهاز (منشأ ضربات القلب الصناعى) وبيكون فيه بطاريه بالذره (بالليثيوم) تعيش من ٨ سنين الى ١٢ سنه حسب المريض .

_ نوضح ميكانزم الجهاز منشأ ضربات القلب :
فى جهاز بسلك وجهاز بسلكين واحد فى الاُذين وواحد فى البُطين لاستمرار التناسق والتوافق بينهما ، وفى بعض الاحيان بيكون المريض عنده البؤره الكهربائيه فى الضفيره اليسرى وده بيأثر على عضلة القلب ، فى الحاله دي بيكون جهاز ب٣ اسلاك.
واخيرا مع الاختراعات الحديثه وصل لجهاز بسلكين فقط ، وهناك حالات غير قليله فى الاسكندريه ركبت هذا الجهاز وفى حاله جيده الحمدلله،.

__ متى الشخص العادي يلجأ او يتوجه للطبيب بخصوص دقات القلب؟
اولا لو النبض تعدى ال100 دقه وهو فى حالة الراحه يعني من غير اى مجهود
وبيبدا العلاج دايما بجرعات تدريجيه وبنتابع المريض .
ولازم نوضح ان دائما المريض لازم يكون واعى ومُدرك للاعراض والعلاج وامتى هيحتاج يقلل الجرعه وامتى يحتاجها عند اللزوم .

— ومن هنا ننتقل بحديثنا مع الدكتور وماهى رفرفة القلب الكهربائيه وسبب حدوثها؟
— الاُذين مفروض تمشى فيه اشاره كهربائيه ٦٠ مره فى الدقيقه ده المعدل الطبيعى ، وفجأه الاشارات الكهربائيه تزيد ل ٤٠٠ الى٦٠٠ اشاره فى الدقيقه بسبب بؤر كهربائيه وطبعا القلب مايقدرش ينقبض ٤٠٠ ل ٦٠٠ مره فى الدقيقه أى فعليا لا ينقبض. ذلك هو مايحدث المعروف برفرفة الأذين .
الدم لما بيفضل فى الاُذين بدون حركه بيتجلط وممكن جزء من تلك الجلطه لو خرج الى الشريان السباتى الى المخ يؤدي الى جلطه وشلل نصفى .

__ هل يعتبر الامر خطير لهذه الدرجه ؟
_ خطير اذا اهمل المريض علاجه عشان كده بنوضح للمريض الوضع عشان يكون واعى ومُدرك لأهميه العلاج رغم بساطته .
__ هل الرفرفه الكهربائيه ليها درجات فى التشخيص ؟
_ لو رفرفه راحت لوحدها فى خلال ٤٨ ساعه تسمى مؤقته
لو اخدت ٧ أيام بتسمى ممتده , بينما لو استمرت واتكررت لاكتر من سنه تسمى دائمه .

__ ومتى نطمن ان الرفرفه دي مش هترجع تاني ؟
لو كان الاٌذين مش متضخم ولم يوجد إرتجاع فى صمام الميترال ،لو كان مفيش ضيق فى الشراين ، ومفيش تضخم فى عضلة القلب ، وضغط الدم مظبوط ..
__ ماهى اهم اسباب الرفرفه الكهربائيه غير الاسباب الخُلقيه؟
_ من اول واهم التحاليل اللى بنطلبها من المريض هى نشاط “الغده الدرقيه ” لازم نطمن ان مفيش نشاط زايد للغده الدرقيه ، ولازم نعمل ايكو هل فى قصور فى الشريان التاجى
هل فيه ارتجاع فى الصمام المايترال ونبدأ نعالج اى مشكله مما سبق حتى تتوقف الرفرفه الكهربائيه.
وطبعا مش هننسى العوامل الوراثيه والجينيه وتأثيرها على امراض القلب .

_ وفى نهاية حوارنا الشيق مع دكتور سمير رفله وحرصه على تثقيف وتوعية القارئ ،
نصيحة دكتور سمير للاشخاص للوقايه من امراض القلب ؟
اولا عدم التدخين . من اكتر واهم الاسباب لامراض القلب هو التدخين
ثانيا تجنب زيادة الوزن : السمنه بوابه لامراض القلب والكوليسترول
لازم ومهم جدا المشي على الاقل ربع ساعه فى اليوم خمسة أيام فى الأسبوع،
ثالثا التوتر العصبى : ان التوتر والقلق والحزن هى عوامل بتأثر على صحة القلب فعليا .
رابعا ضبط الضغط والسكر والدهنيات.
.. واخيرا نتمنى الصحه والحياه السعيده لجميع القراء ودمتم فى صحه وعافيه ..

 

اقرأ أيضًا:

• البنك الأهلي المصري يحتفظ بشهادة الجودة في مجال الإمداد اللوجيستي من للعام الثاني على التوالي

• بنك مصر والبنك التجاري الدولي يمنحان تمويلا مشتركا لصالح شركة السادس من أكتوبر للتنمية والاستثمار “سوديك” بقيمة 4.14 مليار جنيه مصري لتمويل مشروعها بزايد الجديدة 

• وزير المالية: الإصلاح المالى والاقتصادي عملية ممتدة ومستدامة.. وأكبر من برامجنا الإصلاحية المدعومة من المؤسسات الدولية

• البنك الزراعي المصري يوقع بروتوكول تعاون مع وزارة الزراعة وشركة MAFI لتمويل الزراعات التعاقدية

• الرئيس عبد الفتاح السيسي يهنيء قضاة مصر بمناسبة الاحتفال بـيوم القضاء المصري

• النائب أحمد المصري يشيد بأستجابة مجلس أمناء الحوار الوطني لمطالبة الرئيس السيسي بإضافة بندًا عاجلاً لمناقشة قضايا الأمن القومي والسياسة الخارجية

• دكتوره نورهان الزقم اخصائي طب الاسنان و علاج اللثة في حوار خاص للرأي العام عن أهم اسباب التهابات اللثةوكيفية علاجها

• بنك القاهرة يوقع عقداً مع شركة بلتون لإدارة صناديق الاستثمار لتكوين وإدارة محفظة خارجية

نقدم لكم من خلال موقع (الرأى العام المصرى )، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.