الرئيسية
الشاعرة “سناء العاجز ” تكتب ” أنا زهرة “
شعر: سناء العاجز
أنا زهرة
شافها مفتحة وسط الشوك
فوق راسها تاج الملوك
رسمني علي فستان
شخبطني بالألوان
صنعه ولد فنان
قال للجميع إني
هزرعها في مكانها
أرعاها من بدري
ولا إيد هتوصلها
ولا تمشي في ضلها
بالحب هرويها
من شهدي أسقيها
تكبر تبوس خدي
قلت له يا دى الجدع
إحلم علي قدك
إزاي أبوس خدك
دا أبويا رباني
مش زرع شيطاني
ولا توصل لأوطاني
أنا زهرة من حسنها
يضحكلى بستاني
سناء العاجز
