سينور هيثم فوده معلم اللغة الإيطالية في حوار خاص للرأي العام المصري

سينور هيثم فوده معلم اللغة الإيطالية في حوار خاص للرأي العام المصري عن كل ما يخص اللغة الإيطالية وما يهم جميع طلاب الثانوية

سينور هيثم فوده اللغة الإيطالية لغة سهلة وبسيطة و موسيقية وسهلة التعلم

حوار:هبه عادل

سينور هيثم فوده معلم اللغة الإيطالية يتميز بالمهاره كمعلم تربوي لما يمتلكه من مهارات لتوصيل اللغة الإيطالية لجميع الطلبة بسهولة ويسر وايضا مساعده جميع الطلاب في اي شيء يخص اللغة الإيطالية فكان لللرأي العام هذا الحوار الشيق والممتع مع سينور هيثم فوده عن اللغة الإيطالية

**نبذة تعريفية عن حضرتك؟

سينور هيثم فودة خريج كليه الالسن جامعه عين شمس دفعة 2010 اشتغلت في مجال السياحة شركة سياحية و اشتغلت في مجال الترجمة في قرية سياحية فى مرسى علم وشركات سياحية في 2013 وبعد كدا دخلت دبلومه تربوي عام علشان انا بؤمن بنظرية التخصص وبعدها اشتغلت في مجال التدريس.

**سبب اختيار حضرتك لتدريس اللغة الإيطالية؟

عند دخولي الكليه كان في اختيارات كثير بالنسبه لي بس انا كنت حابب اللغه الايطاليه لانها كان في ناس في دفعات السابقة بيحبوا اللغه الايطاليه جدا وكان لها مجال في الشغل كويس مثل الترجمه ولها مجالات اخرى متعددة وكذلك اختيار اللغه الايطاليه لغه سهله وموسيقيه سهلة التعلم بس انا لا اؤمن بفكرة لغه سهله ولغه صعبه اي لغه محتاجه مجهود من الطالب والمعلم لازم يقوي نفسه ويطور نفسه.

**ممكن نبذه عن المراحل التعليمية التي قمت بتدريس لها؟

بدي كورسات للناس من الخريجين والناس كبار في السن وشغال مع المرحله الثانويه الصف الاول والثاني والثالث الثانوي في مدرسة معالى الاسلام في سيدي بشر و اشتغلت فيها ولازلت شغال فيها الحمدالله.

**هل هناك طرق للتعلم يجب علي التربوي اتبعها؟

طرق التعلم متنوعة أخذنا في التربوي في المتعلم وفي المتلقي وفي بيحب يسمع وفي بيحب يشوف والاثنين مع بعض.
طرق متنوعة و المدرس لازم يكون بيمتلك طرق متنوعة في التدريس بتاعته بيشرح بشكل اكاديمي للطالب علشان نفهمه اللغة ومش حفظ وبس اللغه لازم تحفظ وتفهم المادة العلمية والقواعد طبعا احنا عاملين اغنية على كل درس الاغاني بتلخص القاعدة واللغة الايطالية لغة موسيقية عملنا الحلم حقيقه بنخلي الاغاني مش هادفه بنحاولها لاغاني للطالب يستفيد منها ودي حاجه حلوه بتلخص القاعده بس مش هو ده الاساس طبعا ده بيحصل لتلخيص للقاعدة فقط لكن الشرح الأكاديمي هو الاهم طبعا للماده العلميه.

**هل اللغه الايطاليه مثل أي لغة يتم دراستها؟

اللغه الايطاليه مميزه جدا وفيها اول درس بندرسه في منهج اولى ثانوي او اي كلمه في الايطالى بتنتهي بحرف متحرك مفيش لغه في العالم بتنتهي بحرف متحرك زي اللغه الايطاليه لان اللغه الايطاليه أكثر موسيقيه سينور هيثم دلع الإيطالي.

**هل اللغه الايطاليه يصعب على الطالب دراستها؟

لا هي اللغة تعتبر سهلة التعلم بس زي ما اتفقنا في البداية اي لغه محتاجه مجهود من الطالب و لتعلمها مش بس لغه صعبه و لغة سهلة والمدرس مش ساحر للطالب لا هو بيحتاج منك مجهود علشان تقفل المادة وتتقنها والايطالي في كلمات وجرامر وفي الوحدات مثلا اولى وثانية وثالثة ثانوي فكلها لغه تراكميه في كل قاعدة عاملين عليها أغنية تلخص القاعدة و معتقدش حد في مصر شغال بنفس الطريقه دي بفضل الله.

**ممكن نصيحة لأولياء الأمور؟

نصيحه مهمه جدا لأولياء الامور لازم ينتقي المدرس بتاع ابنه لازم ياخد عند مدرس متخصص في الماده مش اي مدرس اخد كورسات في اللغة ودرس في معهد غير معتمد لازم يكون متخصص في الماده لان النظام الجديد يعتمد على الفهم وليس التلقين والمدرس المتخصص في المادة هو بيقدر يوصللك ده انا خريج كليه الالسن جامعه عين شمس و اي زميل لازم يكون كده لازم التخصص في المادة والمتابعة لأبناء مش هديلهم الفلوس وخلاص وبكل الطرق ولازم احنا كمان لنا دور مع المتابعة مع ولي الأمر.
والسكرتارية بتتواصل معاه اول باول وانا معاهم امتحانات كل حصة واي طالب مبيذاكرش ومش بيقدر يكمل ولازم الالتزام اهم حاجه في الشغل زي ما انا بجتهد مع الطالب هو يجتهد وهي كده موازنة معادلة بتنجح بطريقه دي الطالب عليه مسؤوليات ومدرس عليه مسؤوليات والمدرس على فكره مش بيتخطى ال 40 او 30% و الباقي 70 و 80% ده على حسب النسبه للطالب وطبعا الطالب هو لازم يدي المادة اهتمام ويذاكر اكثر علشان يلاقي نتيجه في الاخر.

**كلمه اخيره من حضرتك تنصح بها الطلاب؟

نصيحة للطلاب لأي طالب في الصفوف الثانويه لازم يهتم باللغه اهتمام مهم جدا لانها تراكمية ويذاكرها بشكل دوري ميهملهاش لانه لو بيهمل في اولى ثانوي وثانية ثانوي بيتعب جدا في ثالثة فلازم يتقي الله في شغله وكل واحد في سنه شغال مهمته ومن يتق الله يجعل له مخرجا والتقوى أن يجدك الله فيما أمرك وأن لا يجدك فيما نهاك بمعني انه امرك ان تجتهد وتشتغل علي نفسك وتذاكر كويس ونهاك عن التخاذل والكسل عن مهمتك كطالب و لأن ثالثة ثانوي يعتبر سنه تؤثر على حياتك المستقبلية واي نعمة الواحد فيها بفضل ربنا وبفضل والدتي رحمه الله عليها وابي ربنا يبارك في عمره.