دكتور شادي رشدي مدرس مادة “Chemistry” في حوار للرأي العام المصري عن كل مايخص طلبة الثانوية العامة

دكتور شادي رشدي مدرس مادة “Chemistry” في حوار للرأي العام المصري عن كل مايخص طلبةالثانويةالعامة

د/ شادي رشدي مادة الChemistry مادة ممتعه ومهمة جدا في حياتنا

حوار: مريم وليد

نبذة تعريفية بحضرتك ؟

د/ شادي رشدي طالب بكلية الصيدلة جامعة الاسكندرية طالب سابق في مدارس STEM Alex “مدرسة المتفوقين للعلوم والتكنولوجيا ببرج العرب”

سبب اختيارك لمهنة التدريس ؟

مهنة التدريس بالنسبالي هي من أقرب المهن لقلبي لانك بتقدم قيمة وخدمة للمجتمع وليك أثر غالبًا لاينسي مع الطلبة
حيث ظهر ده من صغري اني شخصية مجتهده جدا، فكنت بشرح لبعض من زمايلي بعض النقاط الغير واضحة ولم يتم فهمها وكانوا بيقولولي ان شرحي كويس وقتها انا مكنتش عارف ان ربنا مديني الموهبة دي كبرت اكتر وقدرت اشوف الموضوع ده وسط تعاملاتي كلها
نقطة تانية وهي اني كنت حقيقي بكره جزء ال Chemistry في ماده ال Science في فترة إعدادي وكنت بحفظها كما هي بدون اي فهم ولو سطحي للمنهج ولكن بعد مدخلت STEM الفكر ده اتغير شوية ولقيت ان ال chemistry مادة ممتعة شوية على عكس فترة إعدادي.
دخلت كلية الصيدلة واشتغلت ال Chemistry بطريقة عملية وشفت الألوان والتفاعلات ومن هنا وقعت في غرام الـ Chemistry انها مادة مهمة جدًا جدًا جدًا فحياتنا حرفيًا كل حاجة حواليك دلوقتي هي كيميا الموبايل اللي انت بتشوف منه المقال ده معمول من بطاريات بتشتغل بالكيميا اللبس اللي انت لابسه هو كله كيمياء الأدوية اللى بتاخدها كلها كيميا كل حاجة حرفيًا حواليك هي كيميا

ف لقيت ان واجب عليا اني اعلم شباب الجيل الجديد ان ال Chemistry مش مجرد شوية معادلات بتتحفظ لكن اكبر بكتير جدًا من ده وساعدني ف ده تعمقي في المادة داخل أسوار صيدلة اسكندرية
ف اتجهت لمجال التدريس عشان اقدر احط البصمة واعمل الفرق ده والحمد لله نجحت نجاح سريع جدًا

هل تستخدم منصة إلكترونية في الشرح ؟ وهل تري ان نظام الاونلاين افضل أم لا ؟

بستخدم Youtube برفع ڤيديوهات حل بشكل اسبوعي لحل كل اسئلة ال Homework وده لسببين :
اول سبب ده بيدينا فرصة وقت الحصة اننا نتعمق اكثر في الشرح وتاني حاجة ان الطالب يقدر يشوف الاسئلة اللي وقعت منه في أي مكان وفي اي وقت

بالنسبالي ارجح الاونلاين دلوقتي لكن بشرط يكون الولد عنده discipline أو التزام انه هيتفرج علي الحصة في وقتها من غير تراكم
لو مش ملتزم ده يبقي اكيد السنتر افضل حل

ما رأيك في إعادة هيكلة الثانوية العامة وتقليص عدد المواد الدراسية ؟

فكرة كويسة بالنسبة للطلبة قللت ضغط ومجهود وقللت الضغط على ولي الأمر لكن ليها جانب سئ وهي إن ال 1% بقي ب ٣ درجات بعد مكان ب ٤ فده هيخلي الشباب تبقي اكتر حرص
فالموضوع ليه مميزات وعيوب ودايمًا بقول للطلبة بتوعي مدام اللي عليك على غيرك يبقي ملكش عذر

هل ترى أن مادة العلوم المتكاملة ستفي كدراسة الكيمياء والفيزياء والأحياء كمواد مستقلة ؟

منهج ال علوم المتكاملة او ال Integrated science منهج قوي مليان معلومات جميلة وغنية ومحتاج حد فاهم في مجالات كتير ومثقف عشان يقدر يدي كويس فالمادة
ولكن عندي تعليق مهم في النقطة دي
الولد هيطلع من اولي فاهم جدًا المنهج ومُطلع عليه لكن للأسف مش هيكون متأسس كويس في ال ٣ مواد ( Physics – Chemistry- Biology ) لأن المنهج مش بيأسس بأسلوب كويس ف ده يصعب علينا المهمة اكتر علي سبيل المثال هو فيه معلومات بتبقي موجودة مباشرة من غير اي شرح وافي وعميق للجزئية دي فانا بتضطر اني اشتغل تأسيس قبل كل حصة عشان ميبقاش فيه معلومة موجودة فالدرس الطالب مش فاهمها بعمق

نصيحة لطلبة الثانوية العامة ولطلاب الشعبة العلمية بشكل خاص ؟

نصيحتي لشباب الثانوية انه “يخليه في حاله” بالظبط كده زي مسمعت انت حبيبي ملكش اي دعوة بأي حاجة تحصل ملكش دعوة زمايلك بيعملوا ايه او بيجيبوا كام او بيخلصوا الدرس ف اقد ايه وقت مش مسموحلك تقارن نفسك بأي حد ايًا كان طبيعة العلاقة الشخص الوحيد اللي تقدر تقارن بيه نفسك هو نفسك من شهر
يعني من شهر فات درجاتك كانت عاملة ازاي ودلوقتي عاملة ازاي
بتتحسن ؟ جميل الله ينور عليك
بتقل ؟ يبقي لازم تشد اكتر
تبقي بس مركز مع نفسك مش حد تاني لان ظروفك غير ظروفه وكل واحد ليه مساره اللي ماشي فيه
، فيه كلمة دايمًا بقولها فالحصة Hard work pays off انت بتتعب انا عارف بس دي سُنة الحياة والدك بيتعب في شغله والدتك بتتعب في تربيتك انت واخواتك انا بتعب في تحضير الحصص وشرحها … تأقلم علي الفكرة دي ومتحاولش تحرق فيها بنزين كتير
السنة متعبة ؟ اه ده حقيقي
ضغط نفسي شديد ؟ اه برضو ده حقيقي
محتاج اجتهاد وتنازلات عن بعض المُتع ؟ حقيقي جدًا
بس خلاص انت مبقتش صغير افهم ان هي دي الدنيا وحاول تجيب اخرك عشان تبقي فخور في عيون نفسك اولًا وفي عيون اهلك
— صدقني عن تجربة لحظة الوصول للحلم اللي قعدت سنين عمرك بتحلمه لحظة تستحق التعب
نظرة الأهل بعد ما نكون وصلنا للي عايزينه جميلة اوي وتستحق التعب
نظرتك لنفسك أنك اه السنة صعبة بس انت عملت شغل حلو اوي ووصلت للي عايزه .. النظرة دي بالدنيا صدقني

نصيحة لأولياء الأمور ؟

نصيحتي لأولياء الأمور هتبقي غريبة شوية
“خففوا علي ولادكم شوية” انا عارف ومتأكد انكم اكتر ناس فالدنيا عايزين أولادكم يكونوا احسن ناس فى الدنيا وده شئ جميل ومشاعر طيبة بس احيانًا المشاعر دي بتطلع بطرق مش افضل حاجة من زعيق ولوم وغضب ( انا عارف ان مشاعركم جميلة جدًا ونيتكم انكم تخلوا ولادكم احسن ناس )
بس الشباب مضغوطين بما فيه الكفاية وتعبانين وبيمتحنوا كل شوية وعندهم آمال وطموحات كتير وبيحاولوا تحققوها خليكوا انتوا مشجعين ليهم مش تزودوا الضغط ده (كلامي علي الشباب اللي فعلًا بتجتهد مش الشباب اللي مطنشة الدنيا وبتروح دروس بس ومش بتذاكر فالبيت)
، ونقطة مهمة :مش لازم ابن او بنت حضرتك يبقي احسن واحد فالدنيا يكفي جدًا يبقي شخص كويس مجتهد ناجح سوي نفسيًا عاطفيًا بيكون علاقات طيبة مع باقي زمايله والاهم من كده يكون سعيد بحياته .

للتواصل:01272623856

العنوان: العجمي – الهانوفيل – سنتر فاروس 1
العجمي – أبو يوسف – سنتر طيبة
العجمي البيطاش – سنتر الصفوة

.

اقرأ أيضًا:

• البنك الأهلي المصري يحتفظ بشهادة الجودة في مجال الإمداد اللوجيستي من للعام الثاني على التوالي

• بنك مصر والبنك التجاري الدولي يمنحان تمويلا مشتركا لصالح شركة السادس من أكتوبر للتنمية والاستثمار “سوديك” بقيمة 4.14 مليار جنيه مصري لتمويل مشروعها بزايد الجديدة 

• وزير المالية: الإصلاح المالى والاقتصادي عملية ممتدة ومستدامة.. وأكبر من برامجنا الإصلاحية المدعومة من المؤسسات الدولية

• البنك الزراعي المصري يوقع بروتوكول تعاون مع وزارة الزراعة وشركة MAFI لتمويل الزراعات التعاقدية

• الرئيس عبد الفتاح السيسي يهنيء قضاة مصر بمناسبة الاحتفال بـيوم القضاء المصري

• النائب أحمد المصري يشيد بأستجابة مجلس أمناء الحوار الوطني لمطالبة الرئيس السيسي بإضافة بندًا عاجلاً لمناقشة قضايا الأمن القومي والسياسة الخارجية

• دكتوره نورهان الزقم اخصائي طب الاسنان و علاج اللثة في حوار خاص للرأي العام عن أهم اسباب التهابات اللثةوكيفية علاجها

• بنك القاهرة يوقع عقداً مع شركة بلتون لإدارة صناديق الاستثمار لتكوين وإدارة محفظة خارجية

نقدم لكم من خلال موقع (الرأى العام المصرى )، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.