الــدهــر دولاب على الناس دوار
واليوم دور رحــاه داير علينا
خمسة سنين نجـرع الصبر بمرار
والسادسه هدًت قصور الحصينه
ابكي عاللي بـــــدًل الدار بديـــيار
هيهات مـــن بعد المفارق يجينا
يا قلب كنك عالعســيرات تقـــدار
أصبر وقيل الله مــع الصـــبرينا
لا بــــد ريجــك بالــدواليب يندار
وانصـــير ناخذ حقنا بيديــــــــنا
لا تآمن الــدنيا تـرى الـدهر غدار
يــاما بكت منه عيونــاً حــــزينا
ان اقبلت دنيــاك تأتيـــك لـــــدار
تقعـــدك لنًك مـــــع النايــميــــنا
وان ادبــرت ما يدركه كل حـزار
تقفي ولون تطردا عالهجــــينـــنا
الأيــام منها تشــرب الهم وكــدار
خطــو الأيــام القبلــوا مطلبيــــنا
الأيام منهم يــرهم الفود وحمـــار
مـــن بعد لمسن للحديد المــتيـــنا
حصان مسلسل هاذرا ما به هجار
يسرح مع اللي بالخـــلا معــزبينا
الأيام تدعي واســع الفكـر محتار
يخطي ولــونًه فــريـــــد فطيـــنا
الأيـــام تدعـي عادم الشور شوًر
وليا هــرج تلقى الملل تـــابعيــنا
الأيم يشهر عدًها الصقر بو الفار
يطري على صيد الحباري السمينا
الأيام ينهج عدها السبع فــــرار
تاتي ضباع الليل تكـــسر عـــرينا
