ضريبه المائه جنيه لراديو السياره

بقلم : فهيم سيداروس

كيف واجهت مصر تداعيات الكورونا …

فكر فى مصادر الدخل القومى للبلد
وكيف تأثرت من الكورونا السياحه ؟

فإنها متوقفه .. تحويلات العاملين بالخارج أضيرت لأن العاملين بالخارج رجعوا مصر
ومصر رجعتهم بلدهم ..

دخل قناه السويس إنخفض ..
فكر إن المرتبات والمعاشات بتتصرف كل شهر
فكر أن الدعم التموينى ، ورغيف العيش ، وبطاقه التموين بتتصرف كل شهر ….

فكر ان وسائل المواصلات العامه تعمل بالخسارة لعدم وجود ركاب بسبب الحظر والناس فى بيوتها .

المائه جنيه أصبحت مشكله وشغالين تقطيع فى البلد …ليه أعتبرهم دعم لمصر …المائه جنيه دول يعنى( ١٥ )لتر بنزين …

أنت وفرت بنزين كتير من الطرق الجديده .
المائه جنيه أعتبرها مساعده لبلدك مصر …

لا تنساق وراء حملات أعداء الأوطان …
مصر دى بلدنا …
مصر حلوه وبنحبها ….
ولا شاطر بس تقول أفديها بروحى ودمى …يعنى راكب عربيه بكام الف …وبخلان على بلدك بمائه جنيه …
فكر إن مصر بعافيه شويه والحمل تقيل …

يقول إحدي الأراء
فيه ناس ال 100 جنيه لها تأثير على
مصاريفهم الشهرية ….خصوصا مع قلة الدخل لأن البلد نامت ع الأقل 3 شهور …ويعدين بكره الحكومة تبتكر طرقا أخرى جباية لسدالعجز الناس جابت آخرها ..

المائه جنيه تعنى ثمانيه جنيهات شهريا …يعنى لتر بنزين …يعنى العربيه تحرقهم فى تكدس مرورى …الأمر بسيط .

ويقول رأي أخر
أنا كنت متصور لأول وهلة إنها لدعم الأقتصاد الراكد إلى أن بحثت عن نسبتها ، ومصارف أنفاقها .
تبين إن نصفها للهيئة العليا للأعلام الخاسرة دوما بسبب سوء الإدارة وأهدار المال العام وتردى مرفق الأعلام لحساب الأعلام الخاص

وجزء منها لوزارة المالية ١٠% فقط و٥% للمرور و٥% للاجهزة الرقابية . .

كنت أمل أن توجه كلها أما لموازنة الدولة أو لصندوق تحيا مصر أما أن توجه إلى هيئة خاسرة فاشلة فهو غير المقبول .

وهل هذا غير معلوم ، ومطروح أمام رئيس البلاد وأجهزته ؟
هناك بعض الاسئله فى هذا المجال …قناه سى بى سى الأخباريه .. من يدعمها .. وهى تنمو بسرعه كبيره … وأصبحت تلاحق منابر الجزيره والعربيه … مصر كانت تعانى من ماضى أتى عليها ..حقيقه لا ننكرها …والإعلام صناعه باهظه التكاليف …والقنوات الإخبارية لا موارد لها ..الا ميزانيات الدول

يقول رأي أخر
أحلب المواطن كمان ، وكمان ، وزياده اسعار الكهرباء ، والمياه ، والفلوس اللي بتاخدها في كارته في الطرق ، والشهر العقاري الفلوس اللي زادات ، والتصالح مع مخالفات المباني ومخلفات المرور اقولكم شيء لم تنصلح البلد البلد ببناء المدن الجديده ومطار العاصمه الاداريه البلد محتاجه صناعه وزراعه مفيش الاثنين فيه شحاته وقروض لاتقولي فلوس المعاشات فين وديعه المعاشات .

واحد راكب عربيه بملايين زي ماواحد راكب عربيه بملامليم وفي نهايه لازم ندفع عادي

لابد فعلا نقف جنب بلدنا ونساعد بلدنا
بس على الأقل تبقى شرايح يعني مش إللي بيركب عربيه بالملاليم ماشيه بالعافيه على أد حاله زي المثل بيقول حمارتك العارجه تغنيك عن سؤال الناس زي اللي راكب عربيات بالملايين .
ويمتلك أكثر من سياره فارهه هو وأسرته

يعني ممكن وضع حد أدنى وأعلى حسب موديل وماركه السياره ومدى حداثتها اه المبلغ بسيط بس مش كله يبقا زي بعضه في ناس ممكن تدفع أكثر حسب موديل سيارتها.