طاقه مهدره

طاقه مهدره

بقلم : حنان حامد

كنت زمان بعمل حاجه غبيه قوي وكنت فاكره ان كده بحافظ على الناس اللي حواليه

اني كنت بسمع كلام قوي باجي على نفسي قوي عشان خاطرهم بقدم الحب والاهتمام بدون مقابل بس للاسف انا كده كنت بخسرهم مش بحافظ عليهم

لاني مع الوقت لقيت ان هم مش فاهمين ان انا اللي بقدمه ده تضحيه او اني باجي على نفسي علشان اعمله هم مع الوقت اعتبروه حق مكتسب
وطبعا النتيجه الطبيعيه ان بعد وقت طويل تعبت وزهقت وطاقتي خلصت وغصب عني ما بقتش قادره اجرب ثاني ابدا

وتعلمت ساعتها أني دايما احط المعامله في مكانها يعني العطاء اللي بالزياده والحب والاهتمام اللي بالزياده لازم الاول تشوف الناس اللي قدامك هي اهل لده وهتفهموا ولا لا

فالصح ان ساعتها كنت المفروض اكون انانيه شويه واخذ الموضوع هات واخد

واشوف انا عايزه ايه وايه الحاجات المهمه بالنسبه لي واني ما افضلش اجي على نفسي علشان افضل احافظ عليهم لان هي دي الطريقه الصح في انك تحافظ على الناس اللي حواليك مش انك تتفانا قوي في ارضائهم فهتلاقي نفسك في الاخر فعلا تفانيت ومش هتلاقي نفسك اصلا

دلوقتي فى ناس بيجي بيحكوا ليا بلاقيهم نفس القصه مع اهاليهم او مع ازواجهم وانا قاعده بسمعهم بعذرهم لاني مريت بنفس التجربه وعارفه ان ده بيبقى غصب عنهم لحد للاسف ما تيجي حاجه كبيره قوي ساعتها بس بيوقفوا كل ده وبيبداوا ويفوقوا لنفسهم علشان يفضلوا يحافظوا على الناس اللي حواليهم

بلاش تقدم مجهود كبير في طريق غلط لانه حيبقى طاقه مهدره في الاخر

نقدم لكم من خلال موقع (الرأى العام المصرى )، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.