عطش الصبـابـه

الشاعر/احمد عفيفى

ح تـعــزًمـى
وتلمْلمى كل اللى فاضل منى
ولًا ح تظلمى ؟
أصل اللى فاضل مش كـتيـر
انا بير نشف ومعادشى فيه
الًا -هـبـابـه-

عطش الصبابة, والحـنـيـن,
وسنين طويلة مـن السـفــر,
والغُـربه , ونفوس البشر /
نشعُم على شُوفى , ولـسًـه
الشوق سخين
أشكى لمين..واهــرب لـفـين
إذا كنتى مش داريه وناسيه ,
إنًِى من الغلابه؟
*
وانا اللى على صوت الربابه,
صـحـيـت ,
وضربـت -أُشـــلاء- الـعـــدو
وغنّيت باسـمك,
وانتشـيت ورفعـت صـورتك
فوق كتاف الكون
وعلًيت المقام وأضفت -تـون-
*
إصحى يامهد الكون ن ومِـدّى
اديكى ع الغارب,
انا المـشـتاق,لا انـا غـضـبـان,
ولا معـاااااتـب
دفًينى يالًَا واقـطفى من قلبى
نبق الحُب وراعينى
انـا دينى:عـشقـك وانتى قلبى
ونن عينى!!