علاقات مؤذية بقلم/ يوحنا عزمي

بقلم/ يوحنا عزمي

إتخلص من اي علاقه بتأذيك نفسيا وجسديا ، انهيها حالا وخليك عارف إنك مش عشان تتوجع ، وإنك اجمل بكتير لما بتبتسم..

وان العلاقات بتتعوض بس صحتك وراحة بالك ومشاعرك
وملامحك اللي الحزن هيخليها تبهت ، مش بالسهل ترجع تاني..

لسه قادر تحلم ولسه ربنا هيعوض ، متخليش الحاجه الوحشه بالنسبالك هي نهاية الحياة ، يجوز الوقت طال والمدة زادت لكن في النهايه هتفرج ، مش بعيد تكون دلوقت او لما تشوف البوست ده تكون موجوع او حزين او حاسس بخنقه ، فيظهرلك الكلام في لحظة او وانت بتقول يارب ، انا عايز اقولك جايز يكون ربنا خلاني اكتب كده واعبر عن اللي جوايا واللي انا مريت بيه شخصيا ويكون جعلني سبب انك تشوف اشارة بتبين علاقتك بربنا ، لما قولت يارب وان ربنا اكيد حاسس باللي جواك وجايز يكون ربنا زرعنا في طريق بعض عشان نطمن بعض ونخفف عن بعض ، الحزن ما شبهنا..

الموضوع موضوع وقت مش اكتر ، ونرضي بكل حاجه عشان يراضينا واكيد عوض ربنا جاي عن كل اللي شفناه والاكيد ان ربنا حاسس بينا وباللي جوانا وهينسينا كل اللي مرينا بيه وساعتها هتبقي الفرحه مش سيعاك ، كل الحكايه اننا نصبر ونقرب من ربنا واكيد كل حاجه هتتحل .