أخبار مصر
عمر الغنيمي يفجر مفاجاة من العيار الثقيل مدينة سكنية ونادي لسموحة في مدينة العلمين الجديدة
كتبت سامية الحفني
عمر الغنيمي الشاب الاسطورة دينامو العمل العام الذي وعد فاوفى عندما سطر في برنامجه الانتخابي وحدات سكنيه لاعضاء نادي سموحه بنصف الثمن
عمر الغنيمي حصد اعلى الاصوات فى انتخابات نادي سموحه وكل يوم يثبت به لاعضاء النادي ثقتهم وحبهم له لنشاط الملحوظ وانجازاته المعروفه وحبه الشديد للوصول للمستوى اللائق من خدمات لاعضاء النادي
واليوم يفجر عمر الغنيمي مفاجاه من العيار الثقيل لاعضاء نادي سموحةعن تخصيص الوزير عصام الجزار 200 فدان في مدينه العلمين الجديده لانشاء مدينه سكنيه الاعضاء نادي سموحة بداخلها الفرع الثالث الجديد لنادي سموحة
واكد فرج عامر رئيس مجلس اداره نادي سموحة ان مشروع المدينه السكنية الجديدة في مدينه العلمين سوف تكون عباره عن كومباوند سكني بداخله الفرع الثالث لنادي سموحة وان نسبه الانشاءات السكنية 60 في المئه اما مساحة مباني النادي فهي 4 في المئه والباقي عبارة عن مساحات خضراء ومرافق وان المشروع سوف يكون عباره عن اتحاد ملاك وليس جمعيات اسكان لانه جمعيات الاسكان لديها عده مشاكل وتحكمات اما اتحاد ملاك غير خاضع للتفتيش بمعنى عن اتحاد اهالي بغرض البناء بطريقه سهله واوضح فرج عامر ان قيمه الشراء بنفس قيمه التكلفه تقريبا وان المكسب الحقيقي للعضو هو شرائه الوحده السكنيه بي نصف ثمنها الحقيقي في مدينة العلمين وان كل عضو صاحب وحدة سكنية سوف يساهم بتبرع بسيط بما تنص به اللوائح
من جهة أخرى أوضح عمر خميس الغنيمي عضو مجلس الإدارة عدة أسئلة قام بطرحها والاجابة تخص مشروع المدينة السكنية الخاصة بالأعضاء وفرع النادي الجديد في مدينة العلمين الجديدة
بشكل سؤال وجواب وتحت امر حضراتكم في أي سؤال أو اقتراح
١ _أين يقع المشروع ؟
في مواجهة الأكاديمية العربية بالقرب من بورتو جولف وفي فيديو للمهندس فرج عامر بيوضح الموقع ومدي قربه من البحر
يعني قبلي مش بحري؟ تم تغيير مسار الطريق في المنطقة دي وتقريبا مبقاش في حاجه قبلي
٢ _من يمكنه الحجز؟؟
اعضاء نادي سموحة فقط
الأعضاء العاملين ومن بلغ ١٨ سنة أو أكثر من الأبناء والحجز في اي فرع البنك الأهلي وهيكون بمبلغ سيتم تحديده ٣٠ الف مثلا للجدية علي ان يتم استكمال ال ١٥ ٪ مقدم عند التخصيص للوحدات والتعاقد
٣ _هل سيتحمل الأعضاء تكلفة انشاء الفرع الجديد؟؟
لا سيتم انشاء الفرع الجديد عن طريق نسبة تبرع ضمن سعر المتر واللي هيكون من ٦٠٠٠ الي ٦٥٠٠ جنيه للمتر
وده تقريبا نصف سعر المتر في المنطقة
٤ _هل هذا المشروع استثماري يدر دخل أو عائد للنادي؟؟
لأ المشروع تكافلي تعاوني بين الأعضاء لتغطية سعر الأرض والانشاءات و انشاء الفرع الجديد
٥ _لماذا أنا كمشتري في المدينة السكنية ادفع تكلفة انشاء النادي وليس باقي الأعضاء علما ان كل الاعضاء ستسفيد من الفرع الجديد؟؟
لأن حضرتك هتكون أكبر مستفيد لان وحدتك السكنية قيمتها تضاعف مرتين المرة الأولى لأنك بتطل مباشرة علي نادي كبير ومساحات خضراء اللي هي نادي سموحة الجديد
والمرة الثانية انك اشتريت بنصف الثمن تقريبا وبالتقسيط
٦ _بس انا مش شايف فايدة ليه؟؟
حضرتك ممكن متستفدش منه عادي لن يتم تحميل حضرتك أو النادي اي تكاليف لكن ممكن أولادك أو احفادك يستفيدوا ان شاء الله
٧ _هل الوحدات تمليك ولا حق انتفاع؟؟
الوحدات هتكون ملك حضرتك وبعد سداد كامل قيمتها تقدر تتصرف فيها كأي اصل مملوك ليك لكن بتدفع نسبة للاتحاد عند البيع لن تتجاوز ١٠٪
٨_ هل هيكون في شاطئ خاص بالنادي أو بالوحدات السكنية؟؟
لأ لكن سيتم التعاقد ان شاء الله مع شاطئ قريب وشاتل باص لنقل الأعضاء اليه زي ملاك مارسيليا لاند بارك وملاك بورتو جولف
وسيتم توفير حمام سباحة لكل ثلاثة عماير بالإضافة لخدمات النادي نفسه من حمامات سباحة كبيرة واكوا بارك وملاعب تنس واسكواش
٩_ إزاي تبدأ مشروع من غير رسومات أو موقع محدد؟؟
لأن ده المتبع في بداية اي مشروع عقاري ضخم حضرتك بتشتري النهاردة
و تشارك في مشروع زي ده انا بعتبرك شريك معايا خصوصا لما الموضوع كله يبقي مش هادف للربح
احنا هنعمل مدينة سكنية بما يغطي تكلفة الأرض والانشاءات وإنشاء فرع النادي فقط مفيش مليم ربح في الموضوع ويظل السعر نصف السعر في المنطقة وبعد ما نتجمع ويبقي معانا مقدم حجز الأرض اللي حضرتك شاركت فيه هيتم التخصيص للوحدات ودفع باقي ال ١٥٪ المقدم
بعدها نبدأ مرحلة والتنفيذ
وده اللي متبع في اي مشروع عقاري بيقوم بتنفيذه اي مطور عقاري كبير وحضرتك ممكن تشوف اي مشروع لسه بادئ في التجمع او اسكندرية أو العاصمة الادارية الجديدة وتعرف ان ده المتبع
١٠ _وايه الضمانات اللي انا هاخدها عشان ادفع مبلغ زي ده في الأول وبدون أي تفاصيل؟؟
لو حضرتك جربت اللي انا قولته في السؤال السابق مع أي مطور عقاري هيكون الضمانات هي طبعا وصولات الحجز والأهم اسم المطور العقاري لكن بما ان المشروع ده مش مملوك لشركة معينة هيكون الضامن انه تحت اشراف لجنة الإسكان بنادي سموحة
واتحاد الشاغرين اللي هيكون رئيسه المهندس فرج عامر
وأمين صندوقه عمر الغنيمي
١١ _عدد الوحدات ومساحة المشروع؟؟
٢١٠٠ وحدة كمرحلة أولي علي ٣٥ فدان و٣٥ فدان لنادي سموحة ارتفاع ٦ أدوار مقدم ١٥٪. تقسيط ٥ سنوات
١٢_ وده هيكفي كل الاعضاء؟؟
لا لأن المشروع مش لكل الأعضاء للي عايز فقط مش إجبار لحد و في ناس شايفه انه بعيد و ملوش لازمة والأهم مشروعات جوه الإسكندرية
١٣ _طب الأعضاء دول عندهم حق؟؟
طبعا كل وجهات النظر تحترم وهيتم البدأ في مشروعات داخل الإسكندرية اول ما الدولة تسمح بعودة اصدار تراخيص داخل المدن الكبري لكن العلمين تراخيصها شغالة عادى
١٤ _طريقة الدفع في البنك الأهلي فرع سموحة هيعمل زحمة والكورونا؟
ادفع في اي فرع اهلي وسيب للاسم ورقم العضوية
١٥ _طب ليه موضوع السيريال مانعمل حجز إلكتروني وقرعة؟؟
الناس معندهاش ثقة في حجز المصيف واحنا عايزين شفافية كاملة سيريال البنك اضمن حاجه
١٦ _طب الأعضاء اللي بره البلاد هيجزوا إزاي؟؟
ابعت اي حد يحجز باسمك ورقم عضويتك
١٧ الاستلام أمتي؟؟
سنتين ونصف من استلام الرخصة ان شاء الله
١٨_ والتشطيب؟؟
هيتم تسليم الوحدات متشطبة بما يتناسب مع مدينة العلمين الجديدة
١٩ _الحجز هيبدأ أمتي؟؟
يوم الأحد إشهار اتحاد الملاك وخلال شهر بعدها يتم فتح حساب البنك ان شاء الله
٢٠ _المدينة السكنية دي فيها خدمات؟؟
غير انك في العلمين الجديدة وبتطل علي نادي سموحة ؟قولي حضرتك محتاج ايه تاني واحنا تحت أمرك
٢١ _وانا ايه يضمني انكم مش هتتربحوا منه؟؟
هيتم إعلان تفاصيل المشروع بكل شفافية وفي لجنة اسكان واتحاد شاغرين هيشرف علي المشروع
٢٢ _مين اللي هينفز؟؟
ان شاء اهم واحسن شركات في مصر وتحت عنينا واشرافنا والنادي به من الخبرات في هذا المجال اللي يبني ١٠٠ مدينة
٢٣_ما هو الكيان اللي هتعاقد معاه كمشتري؟؟
اتحاد الملاك وده وضع قانوني متبع في أغلب العقارات
٢٤ ا_نا كعضو هل من حقي دخول النادي الجديد بالعلمين؟
طبعا النادي حق حضرتك بكل فروعه
٢٥_ طب الاسترداد مش عايز اكمل بعد ما تعاقدت علي المشروع؟؟
زي اي مشروع تطوير عقاري بيتم خصم ٥٪ وحضرتك تسترد المتبقي من مدفوعاتك
٢٦ _وايه يضمنلي انه مش مشروع وهمي و فنكوش زي شاطئ كرير؟؟
شاطئ كرير مكنش وهمي ولا فنكوش بل تم التعاقد مع المحافظة علي تخصيصه للنادي بسعر رمزي ٣٠ الف جنيه في السنة ل٣٠٠٠ متر شاطئ وذلك بعد موافقة مجلس الإدارة ولكن الكثير من الأعضاء اعترضوا وسموه شاطئ الموت
٢٧ _وهو كل ما شوية أعضاء تعترض نلغي المشاريع؟؟
لا طبعا لكن لما نلاقي عدد كبير معترض و المؤيدين للموضوع قليلين او ساكتين يبقي الاسلم اننا نراجع قرارتنا زي موضوع دخول السيارات والأطفال الاخير تراجع المجلس عن قراره لما لقي اعتراضات كتير علي القرار وده مش غلط مع إن كان يمكن استغلال الشاطئ للرياضيات الشاطئية أو الصيد أو الاستجمام
وكان هيتم تجهيزه عن طريق رعاة مقابل وضع علامتهم التجارية علي الكراسي و الشماسي لكن يمكن ربنا كاتبلنا خير اكتر في العلمين ولسه طموحنا للنادي ملوش سقف
