وبعدين يا قلبى كلمات / أيمن البكرى
وبعدين يا قلبى
كلمات / أيمن البكرى
وبعدين يا قلبى
لحد إمتى هنضحى
لناس ف جراحنا بتصحى
بنادى ب أعلى صوت عليهم
ودانهم ما بتسمعش
وإترجينا كتير فيهم
قلوبهم مبترحمش
حبيبتك هى دى حبيبتك
أول ما شافتك
بتنهار قدامها
داست عليك واختارت أحلامها
وكانت اول واحده
بتحط الملح على جرحك
وصاحبك كان عامل نفسوا بيحبك
كان معاك بس وجنبك
علشان مصلحتوا
وسابك مع أول ازمه بتقابلك
اظهر وبان على حقيقتك
وناس كتير تانيه
باعوك من أول ثانيه
أول ما إديتلك ضهرها الدنيا
كلهم إتخلوا عنك
بكره تلف تانى وتدور
ويجى عليهم الدور
ماهى مش باقيه لحد
ومسيرها ف يوم فانيه
هما دول ال كانوا
محسوبين منك
زمان أنا إل إخترت
وعلى إيديكم إتكسرت
بس دلوقت أنا إتغيرت
همسحكم ب أستيكه
وهحط مكانكم مزيكا
كتير جرحتونى
وأنا ساكت ولا إتكلمت
خلاص فاق قلبى إلى كان
معاكم من المرار شارب
مركبكم غرقت لقيت قارب
كنتوا فى حياتى تجارب
وأنا منها إتعلمت
إقرأ ايضا
- نماذج قصصية رائدة للكاتب يوسف إدريس بثقافة الدقهلية
- محافظ القليوبية يتفقد طريق خط 12 و أعمال تطوير كوبري عرابي وأعمال النظافة بشوارع مدينة شبرا الخيمة
- رؤيه جديده تليق بالجمهورية الجديدة.. ضخ دماء شابة بحزب حماة الوطن بالإسكندرية
- محافظ المنوفية ورئيس شركة المياه يضعان حجر أساس إنشاء المبني الإداري الجديد للشركة
- محافظ الشرقية يُتابع أداء ملف تقنين أراضي أملاك الدولة
ونقدم لكم من خلال موقع (الراي العام المصري)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
