قصيدة ( رمش عينك ) بقلم الشاعر أحمد إبراهيم
قصيدة ( رمش عينك )
بقلم الشاعر المصري
أحمد إبراهيم النجار
لما سحر عينيكِ صابني
والجمال إللى ف خدودك
إتشبكت برمش جابني
للأمان ما بين حدودك
فجأة زاد ف القلب حبك
وصعب أبعد يوم وافوتك
انتِ أجمل شئ وقلبك
بالربيع طارح ورودك
يا غزاله بمسك فايح
والقمر نوّر بنورك
والجمال ع الأرض طارح
والقمر أعلن حضورك
لما سحر عينيكِ صابني
والجمال إللى ف خدودك
إتشبكت برمش جابني
للأمان ما بين حدودك
يا أميرة بتاج وطرحة
مين فى وصفك وف شروقك
انتِ شمس الحب طلّة
والضياء عنوان ظهورك
لما ثغرك ليا يضحك
قلبي ليكِ بشوق بيفرح
لما أشوف ألوان زهورك
الجمال عنوان لوصفك
قلبي داب فى الحب حَبك
لما ناَدى عليا رمشك
إتسحبت فى وسط بحرك
عيشت حلمي مابين شطوطك
لما تغرب عني شمسك
بلقى قلبى عنى سارح
كل لحظة أشتاق لهمسك
ده الكلام أنغام فى صوتك
لما سحر عينيكِ صابني
والجمال إللى ف خدودك
إتشبكت برمش جابني
للأمان ما بين حدودك
يا أميرة بسنّه لولى
مهما زاد ف الحرف قُولّى
انتِ أجمل ما ف عيونى
صعب أبعد يوم وافوتك
انتِ فرح العمر ليا
جوّه قلبى وف عينيه
ساكنه روحى وساكنه فيا
يا قمر مشتاق لنورك
كل كلمة حب ليكِ
كل حرف بيناديكِ
والقصيدة بتحكى حبك
والسطور مكتوبه فيكِ
لما سحر عينيكِ صابني
والجمال إللى ف خدودك
إتشبكت برمش جابني
للأمان ما بين حدودك
بقلم الشاعر المصري
أحمد إبراهيم النجار
