كلمات أيمن البكري
كلمات أيمن البكري
قصيدة (الأرشيف)
كلمات أيمن البكري
كل واحد مننا جواه أرشيف كبير
مخبي فيه ذكريات وحاجات
وناس كتير
هتلاقي في أول دوسيه حبه القديم
أيام زمان لما كان شاب وسيم
دي أول بنت حبها
ودق ليها قلبه
عمل المستحيل عشانها
بس هي إللي ماوقفتش جنبه
انزل تحت شويه
هتلاقي إللي باعه وإللي خانه
وإللي هده
وإللي سابه في أصعب ظروف لوحده
وإللي سقف وضحك ب أعلي صوته
وهو في عز جرحه
هتلاقي ضحكه
فيها معني لفرحه متتنسيش
بس لما الضحك خلص
الفرحه اترمت في الأرشيف
وصحاب ليه فيه ركنهم
هو إللي بعد عنهم
هما إلي شافوه أقل منهم
حسسوه إنو حاجه مالهاش لزمه
فرحوا لما شافوه في أزمه
أياً كان السبب
ف النهايه كان الأرشيف مكانهم
هتلاقي فيه ذكري ل أجمل سنين
أيام الطفوله واحنا لسه صغيرين
كانت أيام جميله معشتهاش
صوره حلوه ياخساره مشفتهاش
في الأرشيف ناس فارقت الحياه
كانوا معني الخير
والحب واللّمه وكل شئ جميل
راحوا وراح معاهم كل ده
هتلاقي فيه حاجات كتير نسيها
عمرو ما فكر يقلِّب فيها
يمكن عشان بتوجع
ويمكن عشان مش عايز ليها يرجع
الاخرس قال للأعمي
حلمت حلم مش فاهم ليه أي معني
هاقولهولك يمكن تعرف تفسيره
صدقتوني هي دي بقا الرساله
إننا بنصدق أي حاجه مهما سمعنا
سيرة الناس والغيبه والنميمه عشقنا
وخوضنا في أعراض الناس
والشيطان ضحك علينا
أطلقنا اللسان
وكلام ربنا نسينا
قالوا عليا الناس
مجنون وممسوس ومهووس
قالوا الكلام وألفوه
والغريبه أقرب ماليه صدقوه
بس أنا عارف إيه إلي عاللني
ربنا وحده إلي عالمني
الناس دي تقول ذي ماتقول
مفيش حد فيهم شاغلني
فيه ناس من كتر الفلوس
أرشيفها فاضي
مش هاممها مستقبل
ولا فارق معاها ماضي
بيبصوا للغلابه علي إنهم ضباب
احنا الغلابه
مش عايزين منكم حاجه
بس علي الاقل عاملونا
ذي ما بتعاملوا الكلاب
إلي بتربوها وتأكلوها وتدلعوها
ولا إحنا منستهلش حتي
نتعامل ذي الكلاب
يعني إيه أبقى مش لاقي لقمه
وحقي في إيديكم
مش عايزين تدهولي
وعشان تفضلوا إنتوا فوق
أفضل أنا تحت وتلغوا دوري
شئ عجيب وقانون غريب
لما ٢٠٠إسره معاهم كل شئ
وإحنا بالنسبالهم ولا نسوي أي شئ
والمفروض إننا نطير من السعاده
لو بصولنا بس بعنيهم
وعشان يفضلوا هما أسيادنا
نفضل احنا عبيد ليهم
طيب العدل فين
ولا احنا بقينا في زمن مخيف
والعدل ذيوا ذي أي حاجه
……..اتركن في الارشيف
