لمياء حلاوة تنتقد تصريحات ياسمين عبد العزيز ضد شقيقها… تفاصيل

كتب: أحمد زينهم

انتقدت لمياء حلاوة، تصريحات ما نشرته ياسمين عبد العزيز على صفحتها الشخصية على “فيس بوك” تعليقًا على لقاء ريهام حجاج مع الإعلامية بوسى شلبي، والذى تحدثت خلاله عن كواليس زواجها من رجل الأعمال محمد حلاوة.

وقالت لمياء حلاوة: “الحقيقة أنا شفت برنامج ريهام صاحبتى وأختى وزوجة أخويا، أنا فرحانة جدا بيه، خاصة إنها قالت كلام محترم وكلام من قلبها”.

وأضافت: “الحاجة اللى ضايقتنى وأزعجتنى جدا، ودى حاجة عائلية، إن أنا فوجئت بكلام بيتقال من كم ساعة.. زى حرابيق.. وكلام ميتصحش يتقال.. يا جماعة إحنا بقالنا 3 سنين بنتحارب ونتهاجم.. وبيتقال علينا كلام غلط وإحنا مابنردش عشان مصلحة ولادنا.. عشان ده اللى اتعلمناه في الدنيا إننا نخاف على ولادنا”.

وتابعت حديثها عن ياسمين عبدالعزيز: “بس إظاهر إن فيه ناس تانية مش فارق معاها الكلام ده.. إحنا خلاص خرجناكى من حياتنا وقفلنا صفحتك.. مش بس كدة مابنفتكركيش.. وعايزينك انتى كمان تركزى في صفحتك وتنسينا.. وحاولى إن أنتى تكونى سعيدة.. لإن إحنا بقينا سعداء وإحنا بعيد عنك.. يارب يكون الكلام ده وصلك.. لأن أنتى بكدة بتبوظى الصفحة الجديدة بتاعتك كمان”.

يذكر أن رجل الأعمال محمد حلاوة قام بنشر فيديو عبر خاصية “إستورى” على إنستجرام يحتوي على تعليق شقيقته على ما نشرته ياسمين عبد العزيز بخصوص لقاء ريهام حجاج مع الإعلامية بوسى شلبي والذي تحدثت خلاله عن كواليس زواجها من رجل الأعمال محمد حلاوة.