مثلث برمودا المصري!!!! (ابو النحاس)مقبره سفن البحر الاحمر
كتب -عادل محمد عز
كلنا سمعنا عن مثلث برمودا والقصص الي بتحكي عن اختفاء غواصات وطيارات ومراكب في ظروف غامضة وغريبه.
بس كتير مايعرفوش إن احنا عندنا في مصر موقع بحري مهم جدا للغطس إسمه مثلث”ابو النحاس”موجود علي بعد 35 كيلو متر من جزيره “شدوان”قدام مدينه الغردقه غرقت فيه سفن كتير وبتدور حواليه حالة من الغموض.
وبيقولو ان المكان ده اتسمي “ابو النحاس”لأنه مكان منحوس ومشؤوم علي السفن.
الغريب ان مثلث”ابو النحاس”منطقه هادئه جدا ومفيهاش اي دوامات مائيه علي عكس مثلث برمودا.
بالرغم من كده قاع “ابو النحاس”مليان بالسفن الغرقانه
الي لحد دلوقتي مش قادرين يحصو عددها بالظبط
و عشان الموجه هاديه والدنيا رايقه و مافيش سبب واضح لغرق السفن دي .
بدأ الناس يألفو قصص عن العفاريت والجن الي بتشد السفن
للقاع .
ايه بقي اشهر السفن الغرقانه في مثلث “ابو النحاس”
و ايه حكايتهم؟
اول سفينه هي سفينه بريطانيه اسمها(SS-Carnatic) كانت في طريقها للهند سنه 1869 ومحمله بضايع من النحاس والدهب والقطن والخمور .
ولما بدأت تغرق القبطان رفض نزول الركاب علي جزيره “شدوان” بس لما المياه وصلت لغلايات السفينه ومضخات المياه باظت اضطر القبطان يسيب الركاب ينزلو علي الجزيره
بس بعد ما مات 31 راكب منهم 26 واحد من طاقم السفينه
والحطام بتاع السفينه دي هوا اشهر واقدم حطام موجود هناك..
تاني سفينه كانت بريطانيا برضو واسمها:
(Ss-Thistlegorm)
بس المره دي كانت سفينه عتاد عسكريه مشاركه في الحرب العالميه التانيه سنه 1947 وكانت رايحه في اتجاه
شمال افريقيا ومحمله سلاح ومعدات حربيه
الغريب إن السفينه غرقت في نفس المكان
ولحد دلوقتي لسه موجوده في قاع مثلث”ابو النحاس”
هي وحمولتها من سلاح وموتوسيكلات وعربيات حربيه
وفي سنه 1978 سفينه المانيه اسمها(Kimon-m)
غرقت باردو في نفس المنطقه.
وفي سنه 1981 سفينه يونانيه اسمها(Chrisoula)
كانت ومحمله بلاط واحجار. ومتجهه للسعوديه وعدت علي مثلث”ابو النحاس”وغرقت باردو بنفس الطريقه
بعد يومين بس من بداية رحلتها ولحد دلوقتي صناديق البضاعه موجودة جواها في قاع البحر والناس بتروح تتفرج عليها.
وفي سنه 1983 سفينه شحن يابانية اسمها(Giannais-d)
كانت جايه من كرواتيا للسعوديه وعليها شحنه خشب في طريقها كانت بتمر في ممر شحن ضيق وبعد ما خرجت للمياه المفتوحه القبطان سلم الدفه لواحد من ظباطه ودخل يستريح قليلا ..الظابط معرفش يتحكم في السفينهروخرجت عن مسارها وراحت لمسيرها وغرقت في مثلث “ابو النحاس”
واخر سفينه هي سفينه (Olden) الالمانيه الي غرقت سنه1987 في نفس المكان وبنفس الطريقه .
يعني تقدر تقول إن منطقه”ابو النحاس” مثلث برمودا مصري
وواحد من القصص الغامضه الي دارت حواليها خرافات كتير
بس بعض العلماء بيقولوا أن الشعب المرجانيه الغير مرئيه بالعين هي السبب في حوادث الغرق.
