أستاذ أمين علامة مدرس اللغه ايطاليه للمرحلة الثانوية في حوار للرأي العام المصري عن كل ما يخص اللغة الايطالية وطلبة الثانوية العامه

أستاذ أمين علامة مدرس اللغه ايطاليه للمرحلة الثانوية في حوار للرأي العام المصري عن كل ما يخص اللغة الايطالية وطلبة الثانوية العامه

حوار: هبه عادل

أستاذ أمين علامة مدرس اللغه ايطاليه اللغة الايطالية سهلة التعلم  ومن أكثر  لغات العالم سهولة وإتساقا في قواعدها النحوية 

نبذة تعريفية عن حضرتك؟

أستاذ أمين علامة مدرس لغه ايطاليه في الاسكندريه خريج كلية السن ايطالي سنة 2003 حوالي 20 سنة بعد انتهائي من الدراسة اشتغلت في جامعه فاروس بكلية سياحة وفنادق هناك كمتطوعين

وأيضا اشتغلت في اكاديميه بحريه وكان كل اهتمامي ان ادرس الإيطالي كالغة في ذاتها و بدأت تدريس لكورسات سياحه واشتغلت في مراكز ترجمة ومراكز لغات واتجهت في الاخر للتدريس المرحلة الثانوية.

سبب اختيار حضرتك لتدريس اللغه الايطاليه؟

انا اولا لم اريد اللغه الانجليزيه ولا فرنساوي لان درستهم ايام ثانوي ولما دخلت ألسن قررت اختيار لغه غريبه بعض الشي وكان قدامي اسباني وايطالي وقع الاختيار علي إيطالي و انا بصراحه من اول اسبوع في الكليه كنت هحول من الكليه

لان حسيت بالأمور صعبه وان الدكاتره الإيطاليين داخلين بيشرحوا ايطالي وانا مش فاهم  ولكن قررت أن لازم احاول تاني وبدأت وكانت في تاني اسبوع بدأت افهم واتعلم اكتر عن الايطالي فالفكرة هي أن أول أسبوع بيعدي في أي مرحلة بتتعلم والحمد لله في اول ترم حصلت على امتياز تاني ترم طلعت الثالث على الدفعة واخر سنه كنت مترتب على الدفعة اهم شيء انك تحاول مش من اول مره وتاني مره وثالث مره والحمد لله كان توفيق من عند الله من اختيار الإيطالي مش الفرنساوي فهي توفيق من ربنا اكثر من انها اختيار.

كيفية تعامل  حضرتك مع الطلبة؟

يعتبر هذا السن للطلبة يحتاج حد قريب منهم  يفهمهم مش مدرس تقول معلومه وخلاص لا حد فاهم دماغهم و يكون حد فاهم الطلبة ويعاملهم كأخ وصاحب

لأن الطالب لو حب المدرس هيذاكر ويعمل كل شي لكن لو كان خايف من المدرس مش هيعمل شي وهيفضل خايف منه او هيعمل حاجه بالغصب فلازم احببه عشان يكون بيذاكر وهو مبسوط.

وإن هذا السن  يختلف عن سننا زمان يعني احنا كنا ايام زمان مكنش في وسائل تواصل اجتماعي (واتساب ولا فيس بوك ولا نت ولا اي شيء)  مفيش غير مذاكره وفهم لكن في الوقت ده الوقت صعب مينفعش اقارن جيلنا وجيلهم لان جيلهم اصعب مننا بكتير يمكن ايامنا اخرنا نروح البحر ونرجع ونلعب كوره ونرجع لكن هم الموبايل جنبهم على طول والفيس والأشياء الأخرى موجوده هذا يصعب على الطالب أن ياجي على نفسه ويذاكر وهنا الرساله التي احب اوصلها احنا بنتعامل مع الطلبة كانهم اخواتنا و أصحابنا ليس كمعلم وطالب

حضرتك ازاي بتتواصل مع الطلبه خصوصا انها ماده جديده؟

في طلبه بالنسبالهم تعليم اللغات صعب و احنا بنحاول نسهلها أكتر مثل ربط كلمات القريبة من بعضها الذي ساعد على ذلك أن اللغة الايطالية ماده سهله جدا وفي كلمات احنا بنقولها اصلا باللغه العربيه وهي إيطاليه في الاصل وكلمات كتير مثل (روبابيكيا/ جوما/ مستيكه)

وميزة الايطالي التي ينطق يكتب يعني سهله و بحاول انزلهم فيديوهات يوتيوب بحيث تعمل على تحسين اللغه ويسمع كلمات ايطالي فهي ماده سهله وتحتاج الممارسة وبيثبت هذا ان كان عندنا طلاب جايين مثل محمد رمضان كان كاره مادة الايطالي في ثالثه ثانوي ولكن ما شاء الله ربنا وفقه وحاليا بقى في كليه السن ايطالي وكذلك الطالبه اميره فلو الطالب حب المدرس هيحب اللغه طبعا.

ما هي الصفة التي يتميز بها طلابك؟

الأخلاق مالهاش دعوه بالعلم الطلاب عندنا يتميزوا بالاحترام في الحصة والهزار في الحصة ده طبعا مش بحبه و الهزار له حدود والكلام كثير وشكل الطالب العامل الأكبر يدل هل هو داخل جاي يهزر ولا جاي يتعلم فانا بقول دايما انا بحب الطالب أن يكون جاي يتعلم عايز يفهم  هشرحلك مره واثنين وثلاثه والطالب  بياجي يهزر  بكل احترام بخليه يستأذن فا طلابي الحمد لله على مستوى 90% او 100% اخلاقهم كويسه جدا وهذا نتميز به.

حضرتك بتفضل أسلوب معين في توصيل المادة للطالب  بسهولة؟

بحاول انزل شرح تاني بحيث يسمع مرة في السنتر ويراجع تاني لما يروح اون لاين والحصة مفتوحه لحد اخر السنة في طلاب بيفهموا المعلومة من اول حصه وفي طالب يسمع المعلومه مره واثنين وثلاثه مش بتوصل فالجانب هذا كيف يمكن حلها عن طريق اني انزله اون لاين يسمعها براحته. وكذلك في طلاب يا سنيور الكلام ده احنا مش عارفين نطقه بتواصل معاهم نت عن طريق فويس التسجيل الصوتي بحيث المعلومه توصلهم وبحاول اتواصل معاهم انا مش هخلي السكرتارية ترد عليهم لأن الطالب حاجز مع سنيور امين علامة مش سكرتاريه سنيور امين علامة و اهم شي التواصل .

كيف تتعامل مع الطلاب المتمردين والطالب المتأخر في الدراسه؟

الطلبة ليها معامله خاصه في طلبه بتكون في الحصة مشاغبين فبحاول اقيم سلوكهم وتحفيزهم لحب الماده وفي طالب بيحب الهزار فبحاول اتعامل معاه على ان الهزار ممنوع في الحصة  وبره الحصة بحاول اكون صاحبهم ممكن العب معاهم كوره وبنج بعملهم دورات واقعد اهزر معاهم على السوشيال ميديا في الفيس والواتس كمان

لكن في الحصة لا لان وقت الهزار هزار وقت الجد جد وكذلك الطلبة مش محتاجين أوامر يقولي اعمل كذا ونفذ كذا لكن محتاج اتكلم معاهم واحدة واحدة لو مش قادرين مثلا على حفظ الكلمات اقللهم ويكون التعامل معايا مش السكرتارية

لان السكرتارية بينفذ شغله يمكن يكلم الطالب بطريقه مش كويسه على الحفظ لكن انا بفهم السكرتارية فلان وفلان دول تبعي انا بتعامل معاه محدش يكلمه وهذه تعتبر الطريقة الأفضل لهم.

نصيحة لأولياء الأمور؟

يصاحب اولاده  ويسعي للتواصل معاه يكون صديق له انا عندي ابني في اولى ثانوي من الصعب ادخل معاهم قفش والكلام بيكون صعب و بحاول اخليه يفهم انه عنده مسؤوليه وانه راجل ولازم اكون له طاقه ايجابيه اكثر مثلا انه لو جاب درجه وحشه فى ماده مش هقوله انت فاشل ومش بتذاكر لكن لا احاول اقوله واحببه في الدرس كويس لانك راجل وباباك بيتعب علشانك ومامتك بتتعب ولازم تفرحهم وطبعا الكلام الكويس بيعمل على رفع معنوياته.

ولكن كل شويه ادخل الاوضه و اشوفه ماسك الموبايل واشوفه مش بيذاكر اقوله انت فاشل ومهمل مينفعش لازم مثلا لو دخلت عليه الاوضة ادخل اقوله عامل ايه صحتك عامله ايه في حاجه مزعلاك مش كل شويه اساله على الدراسة لا احنا عايزين الطالب يكون حابب يعمل لا يكون مغصوب على العمل ده.

نصيحة لطلاب ثانويه عامه؟

نصيحة لطلاب ثانويه عامه متخليش حلمك في  الكلية واحدة مجتش حلمك بيضيع لا ربنا بيجيبلك الخير في اي كليه تانيه ورب الخير لا يأتي الا بالخير.

لان ربنا كاتبلك الخير انا لم اتمني أن ادخل السن و كان نفسي ادخل سياحه وفنادق مجموعي جاب فوق الكليه وكنت جايب 90% وميعدي ال 5% فسياحه وفنادق ونقصت نصف درجة في الانجليزي مخلتنيش ادخلها ودخلت بعد ما خلصت ألسن دخلت في كليه سياحه وفنادق بس كمعيد مش كطالب فربنا كاتبلك الخير في شي اخر انت لم تعلم عنه قدامي طب قدامي علوم قدامي علاج طبيعي قدامي تربيه وقدامي آداب اهم شي الكليه التي ادخلها اكون قمه فيها و كتير من دكاتره ومهندسين منجحوش وفي ناس دخلت تجاره واداب ونجحوا والرساله هنا لا تضع  حلمك في كليه لو مجتش حلمك يقف لا كمل واستمر ولعله خير.

وللحديث بقية،،،،،،،،،،،،،،،،

https://www.facebook.com/profile.php?id=100064116303228&mibextid=9R9pXO

https://youtube.com/@user-oh1yu9vh6d?si=LvmdjIaUGmzIghQp