ل أول مره هقابلها
كلمات/ أيمن البكري
ل أول مره هقابلها
يدوب إل كان بينا
شوية صور وكلام مكتوب
ورسايل مليانه ورود وقلوب
وكام مره سمعت فيها صوتها
غريب أنا يمكن
من غير ما أعرفها حبيتها
حبيتها بس من روحها
شفت نفسي ف ملامحها
ف الصوره كانت ضاحكه
ولما كنت أكلمها
كانت بتطير من الفرحه
علي طول راضيه ومسامحه
حاولت أبعد كتير عنها
عشان خفت إني أجرحها
ولما بعدت هيا
بقيت متشتت ومتلخبط
وحاسس إني هتجنن
وعرفت بس ساعتها
قد إيه أنا بحبها
وعشان خفت ل تسبني
كدبت عليها كام كدبه
غريب أنا يمكن
كدبت الكدبه وصدقتها
مفيش غيرها بيفرحني
حتي ولو هتجرحني
ولو غلط هقول أسف
وعشمي فيها تسامحني
ل أول مره هقابلها
وهتيجي عيني ف عينها
وهقولها وأحكيلها
يمكن شويه ظروفنا تبعدنا
بس لما هتحتاجني
هسيب الدنيا وهجيلها
هتبقي أغلي شئ عندي
وجوه عنيا هشيلها
هعيش بس علشانها
وقلبي لو ف يوم خانها
هدوس علي قلبي وأقلوا
هي دي ال ضحت علشانا
وكانت ف أصعب وقت
كل أحلامنا وأملنا
وف عز الاءلم والمر
كانت الحلو إل ف أيامنا
ل أول مره هقابلها
يدوب إل كان بينا
شوية صور وكلام مكتوب
ورسايل مليانه ورود وقلوب
وكام مره سمعت فيها صوتها
غريب أنا يمكن
من غير ما أعرفها حبيتها
