مشنة سعيدة الحلقة13 صد ورد

بقلم :عاطف محمد

-فى حديقة الفندق واثناء حديث فرج وساندرا وادهم، اسرعت اجاتا وهى تحمل على وجهها قلقا كبيرا
فيه أيه ساندرا ؟
عرفت من مصادر موثوقة أن المطلوب قتل فرج(قالتها كمن ألقت قنبلة)
أيه ؟ (ظهر الانزعاج على وجه ساندرا)
ليه؟(قالها ادهم وفرج بحيرة كبيرة)
(قالت اجاتا بهدوء وتفكير عميق)ليه دى مااعرفهاش، لكن انا قدرت بالتنسيق مع رجالتى والسفارة، اننا هانخرجه من هنا بخطة تفوت فرصة قتله(غاص الجميع فى بحر من الصمت)

– جلس الدكتور ايهاب على مكتبه منتظرا نتيجة العينة، وجلس معه رضا والضابط حسام وعرفة وصابرين
ليه النتيجة اتأخرت كده
الموضوع لازم ياخد وقته وبعدين
احنا استخدمنا طريقة الخزعة
خزعة ايه يا دكتور إيهاب
بصى يا دكتورة رضا هى
عبارة عن ازالة عينة نسيجية من الجسم علشان نفحصها تحت المجهر، علشان نعرف طبيعة الورم ، إن كان سرطانى لا قدر الله أو حميد
يارب يطلع حميد يارب
ان شاء الله ياصابرين
والخزعة دى بتم ازاى يا دكتور.
بيعملها دكتور متخصص بابرة رفيعة FNA ياكابتن حسام
اشمعنى بتبقى FNA
علشان ماتسببش انتشار للمرض فى الجسم ، ولو لا قدر الله كان فيه ورم خبيث(هنا زاد تركيز الجميع ) بنقوم باستئصال الورم مع كمية من النسيج السليم حوالين الورم ، ونشيل العقد الليمفاوية ، وبعدين نعالج المريض معالجة كيميائية واشعاعية(ورد د ايهاب على تساؤلات العيون ليه؟؟؟:) علشان نقضى على اى خلايا سرطانية فاضله .
هنا ظهر الوجوم على الجميع وانتشر الصمت.
ثم دار حوارا فى نفس كل منهم
يارب تعدى من الموضوع ده على خير ياسعيده ونظرت رضا لصابرين
التى قالت فى نفسها عمر ربنا ما خزلنا ابدا علشان بندعيه باخلاص وهنا لاحظت صابرين توتر عرفه فربت حسام على كتفه مطمئنا اياه
وهنا سمع الجميع طرقات على باب الغرفة .، دلفت الممرضة تحمل مظروفا مغلقا وسلمته للدكتور ايهاب فتعلقت العيون بالمظروف خصوصا بعد قول الممرضة
دى نتيجة العينة يادكتور وصلت حالا من المعمل …..

-جلست سعيدة بعد اداء الصلاة تسبح الله وتدعوه ان ينفس عنها وعن اسرتها هذا الكرب وهى تردد الدعاء الذى تحفظه عن ظهر قلب من شيخ مسجد كفر العنب فقد كان المسجد بجوار دار قاسم وسعيدة التى قالت بصوت يملؤه الثقة بالله
اللهم إني عبدك وابن عبدك وابن أمتك، ناصيتي بيدك، ماض في حكمك، عدل في قضاؤك، أسألك بكل اسم هو لك، سميت به نفسك، أو أنزلته في كتابك، أو علمته أحدا من خلقك، أو استأثرت
به في علم الغيب عندك، أن تجعل القرآن العظيم ربيع قلبي، ونور صدري، وجلاء حزني، وذهاب همي
اللهم رحمتك فلا تكلني إلى نفسي طرفة عين، وأصلح لي شأني كله لا إله إلا أنت”.
“لا إله إلا الله العظيم الحليم، لا إله إلا الله رب السموات والأرض ورب العرش العظيم”. يارب يارب يارب ، ثم بدأت فى تلاوة بعض سور القرآن التى تحفظها .

– فجأة وعلى غير توقع انتشرت سيارات البوليس حول الفندق ونزلت معها قوات مكافحة الارهاب وتوجه قائدها الى حديقة الفندق، واحاط رجال المكافحة باجاتا وساندرا وفرج وادهم
فيه ايه حضرة الضابط؟
Where is the officer?
اعتذر مدام اجاتا، لأنى لازم اقوم بمهمتى .
I apologize, Madame Agata, because I have to do my job.
مهمة ايه حضرتك؟
What is your mission?
القبض على المدعو فرح قاسم والمدعو ادهم لطفى لمشاركتهم فى عمل ارهابى وترحليهم لمصر فورا
The arrest of Farah Qassem and Adham Lotfy for their participation in a terrorist act and their immediate deportation to Egypt
وقبل ان تنطق اجاتا كانت القوات قد كبلت يد فرج وادهم بسرعة
اعملى حاجه اجاتا
ساندرا واضح اننا اتخدعنا فيهم، اجاتا مش هاتقدر تعمل حاجة
انسحبت القوة بفرج وادهم وسط عاصفة من البكاء الشديد لساندرا التى انهارت فاحتضنتها امها
ساندرا اهدى مش دول اللى نبكى عليهم ، ولازم نتعلم والدنيا مدرسة ياساندرا مديرها الزمن واستاذها القدر وتلاميذها البشر، بنتقابل فيها غرباء ونعيش اصدقاء لكن مهما عشنا مايفضلش غير الوفاء ،واديكى شفتى احنا احسنا ليهم وهما ماكونش اوفياء، وحطونا فى وضع محرج، الوفاء شخص بيبقى معاك طول الظروف مش حسب الظروف .
بس
مابسش ساندرا خلص الكلام
ثم اصدرت اوامرها لاحد العمال بإلقاء كل مايخص فرج وادهم فى القمامة
ارمى كل حاجة مش عايزين حاجة تعملنا مشاكل مع البوليس …

-لم يكن قاسم يعلم أين هو وماذا حدث له ، وكيف وصل لهذا المكان ، اخر ماتذكره انه تم القبض عليه وتم اقتياده لسيارة الشرطة ،و كل ما كان يلحظه أنه يتناول أدوية ويخضع لعلاج مكثف ، ولكن هزيان جسمه لم يدع له الفرصة للتفكير فيما يحدث له .
وكل ما كان يشغله أولاده وزوجته كيف أصبح حالهم ولكن شعر بتحسن كبير فى صحته ،
وهنا طرأ على خاطره كلام الحاج عبد الرحمن صاحب جد سعيدة ..
عارف ياقاسم السكن فى الدنيا محتاج فكر، لكن السكن فى الجنة بيحتاج ذكر والمشكلة إن الفكر شغلنا عن الذكر ، لو عدت عليك لحظات ما ذكرتش فيها ربنا او حمدته أو شكرته ، بسرعة صحى قلبك باستغفار أو تسبيح ، الغفله داء وذكر ربنا هو الدواء ولو قلبك بقى طاهر يرق ، واللى قلبه يرق يروق واللى يروق يفوق ، ولو قلبك فاق يشتاق ولو اشتاق يجتهد واللى يجتهد تهب عليه روايح الجنة
وهنا اندفع قاسم للتسبيح والذكر والشكر والحمد والاستغفار
وهنا دخلت الحجرة د هالة عرف قاسم هذا من الممرضة التى كانت خلفها والتى قالت
تمام يادكتورة هالة .(وانصرفت)
انا فين ؟(كمن عثر على طريقه بعد مشقه)
حمد الله على السلامة ياا ستاذ قاسم ،
أنت فى مركز الهدى لعلاج الادمان ،الحمد لله أنت انكتبلك عمر جديد، انت كنت فى حالة صحية صعبة بسبب الإدمان، والغيبوبة كانت ملازماك
انا حاسس إنى بقيت أحسن
الحمد لله وهاتبقى احسن كمان وكمان ان شاء الله
اعرف إن علاج الادمان بياخد تلت أشهر أو أكتر
ابتسمت الدكتورة هالة محمد أخصائية تأهيل المدمنين ده كان زمان
ثبت انتكاس الحالات اللى بتتأهل فى ثلاثة أو ستة أشهر فى كل المصحات، و النتيجة ماوصلتش ل 30% فقامت وزارة الصحة المصرية بإصدار قوانين تمنع وجود المدمن أكثر من أسبوعين، إلا فى بعض الحالات الإستثنائية
يعنى مدة العلاج بقت قصيرة .
طبعا . وده علشان الحالة النفسية للمريض
وانا لسه مريض
الادمان مرض بس مش جينى هو نفسى ، عبارة عن فكرة داخل رأس المدمن ولازم نمسح الفكرة ونحجمها ونسيطر عليها ونقتلها كمان
واحنا هانجهزك بالعلاج النفسى علشان ترجع احسن مما كنت .

-بصرخة استقبلت رضا وصابرين مانطق به الدكتور ايهاب ….

انتظرونى فى الحلقة 14
مانتيجة عينة سعيدة؟
ماذا حدث لفرج وادهم ؟
ماذا ستفعل ساندرا؟
كل هذا واكثر فى الحلقة القادمة
التعليقات على القصة تثرى القصة وتجعلها اكثر تشويقا …….