وجع الحياة بقلم ياسر بسيوني

بقلم ياسر بسيوني
لو كنت ناوي تعتذر عن أي جرح
قلبي أول ما ظهر كان وياك بفرح
وياريته مرة كان سهل الاعتذار
أو حتى سهل إني ممكن أسامحك
دا حبك جوه قلبي زي جمر النار
ومرسومة على روحي ملامحك
إن كنت ناوي الانسحاب مني أنا
وتسيبني لسنين العذاب بدل الهنا
انسحب لو كنت تقدر ع الخروج
دا انا بحر شوق وانت مني موج
إن جريت للشط ودوبت واختفيت
بترجع من جوايا تتولد وآه ياريت
حملي فيك عمره ما تنتهي سنينه
يا فرحة القلب ويا دموعه وأنينه
يا كل عقلي واللي فيك بس بيفكر
لو قدرت تنساني أنا عمري ماقدر
يا حرفين أولهم اسمي واسمك
قولي مين حفر في النن رسمك
يا سطرين مرسومين في البداية
قولي مين هيجمعهم في النهاية
ولا مكتوب علينا اننا ف يوم نفترق
والقلوب من نار البعاد باتت تتحرق
ياللي عمري معاك كانت بدايته
ليه يا كل العمر تكتب عنوان نهايته
مش كفاية الحياة يا حياتي فينا بتوجع
واللي بيروح منا ليلاتي عمره ما بيرجع
لو تسأل الأنفاس والآهه عنك
مشاعري والاحساس كلهم منك
لوتسأل وريدي عن جواه هيقول ده دمك
ويا وجع الحياه كفاية تتكى علينا
رح ننفجر م الآه والحزن اللي ملينا