يا رئيس الحى على الغلبانة ليه تيجى الدنيا دوارة وبكرة عليك هتيجى
بقلم/ اسامة خطاب
يا رئيس الحى على الغلبانة ليه تيجى
الدنيا دوارة وبكرة عليك هتيجى
من على كرسيك قوم شوف اللى جرالها
هنتوها ليه وبهدلتولها حالها
عاشت شريفة عشان تاكل عيالها
ارحمو ناس كان الغلط قدمها
الست دى لو امك ماكان شئ جرلها
ولا حد بطرف عينه قدر يبصلها
ولو دافعة روشة علشان تشترى وتبيع
ماكان جرى ليها اللى جرلها
وهتعمل ايه فى العيال اللى فى رقبتها
هتبقو السبب لو انتحرت وسابت دنيتها
ادعى عليهم يا حاجة وتحسبنى
يجبلك حقك ربنا وما تستعجلى
حكمت الدنياعلى ناس زيك كتير
واللى ربنا يريده هو اللى بيسير
شد حيلك وقومى من مكانك
ربنا هيجبلك حقك وحق عيالك
والدنيا بردو لسة بخير
وفيها ناس اهل الخير
وكفاية انى الشعراء بيكتبولك
افرحى هيصى محدش هيلومك
