يـا شمس حبِّي

يـا شمس حبِّي
الشاعر / محمد منصور
يــــا شمس حبِّي مـــا تغيبي ‘ ونــــــــوَّري قلـب حبيبي
إن غاب عليا مـا عمري أنساه‘هو كــــل شـوقي ولهيبي
طول عمري وانا دايب ف هواه‘من صغـر سنِّي لمشيبي
وان قلت مــــرة ف يوم ال آه ‘ هــــــو دوايـــــا وطبيبي
يا شمس يا منوَّرة عمري‘دا حبيب حياتي روحي وقدري
إن غاب عليَّا يــزيد قهري ‘ هو نجم دربي ونوري قمري
دا بعاده نــــار وبتكويني ‘ ف كل وقتي طــوال دهـــري
في القــرب منُّه هنا روحي ‘ هـــــــو منايــــــا ونصيبي
يــا شمس يــا منـوَّرة طلِّي ‘ حبيبـــي دا وردي وفُـــــلِّي
بقينا روح واحــدة ف جسدين ‘ هـــو بعض منِّي وكـــلِّي
اتمنَّى أكـــون ديماً ويّــــــَاه ‘ وأدعــــــو ربِّي وحسيبي
يا شمس يا منوَّرة ف الكون‘حبيته هــــو يانـــاس بجنون
من كتر حسنه بقيت مفتون‘دا حبيبي غــالي وقلبه حنون
برموش عينيا وقلبـي اخفيه ‘ دا حياتي كالــــدُّر المكنون
وحبُّه جــــــوَّايا بيجــــري ‘ بقى في دمِّــي وتـــــركيبي
يا شمس يـا منـوَّرة بساتين‘دا الحــب يسعد كـــلِّ حـزين
أنا وحبيبي م الهـوى دايبين‘وم الهوى يـــاما داب ملايين
هو هيامي وكــــلّ أيــامي ‘عشقنا بعض سنيــن وسنيــن
دا حبُّه نسَّاني أشجــــاني ‘ هــــو ننّ عيني وقــــــــريبي
بقلمي الشاعر / محمد

• جابر… بلغت المجد في “رياضة الأثرياء”
• فرض عقوبات مجموعة غرب إفريقيا
• “البنك الأهلي المصري” الأول في السوق المصرفية المصرية خلال الربع الأول من عام 2023
• مصر تستضيف بطولة إفريقيا لكرة السلة NBA للعام الثاني علي التوالي 2023