أنا جفنك . . بقلم شاكر محمد المدهون
أنا جفنك———-؟؟
بقلم شاكر محمد المدهون
أنا جفنك . . بقلم شاكر محمد المدهون
أغار عليك وأغار منك
أشوف عنييك
تتوه مني وأتوه منك
تاخدني عنيك لدنيا
بعيدة جواها دنيا
غير دنيتنا فيها جبال
من السكر وفيها ورد متعطر
وفيها وديان حنية وفيها
كمان ربيع أخضر
وفيها الشمس مش حامية
وفيها كلام ما يتقدر
وفيها بسمة يرويها
نسيم الروح وقلب أكبر
أغار عليك وأغار منك
أخاف الناس يشوفوا
عنيك في عيوني
أخاف تفضحني أجفوني
وتدل عليك قلب قاسي
أخاف من الدنيا تحرمني
كاس الود اللي انا شربته
من بحر عنيك أو تاخد
قلب ملهوف من شباكه
أغار منك لو شفت الغرام
بعنيك تزيد حرتي
وأخاف عليك من بسمة تدور
حواليك تصدقها وتاخد مني ضي عنيك
وتتركني أقاسي لوعتي وبعدك
أغار عليك وأغار منك
أقول مفيش في الوجود زيك
سرق قلبي وخلاني
اعيش في عنيه زي نسمة
وأقول الحب ده قسمة
وقسمتي أظل العمر
أحرس ضي عنيك زي جفنك
——————————–
شاكر محمد المدهون
إقرأ ايضا
- نماذج قصصية رائدة للكاتب يوسف إدريس بثقافة الدقهلية
- محافظ القليوبية يتفقد طريق خط 12 و أعمال تطوير كوبري عرابي وأعمال النظافة بشوارع مدينة شبرا الخيمة
- رؤيه جديده تليق بالجمهورية الجديدة.. ضخ دماء شابة بحزب حماة الوطن بالإسكندرية
- محافظ المنوفية ورئيس شركة المياه يضعان حجر أساس إنشاء المبني الإداري الجديد للشركة
- محافظ الشرقية يُتابع أداء ملف تقنين أراضي أملاك الدولة
ونقدم لكم من خلال موقع (الراي العام المصري)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
