كشف الفنان شريف رمزي، تطورات الحالة الصحية لشقيقه المنتج صلاح رمزي والذي أصيب بمشكلة في المخ منذ عدة أشهر، وتم احتجازه بأحد المستشفيات.
وقال الفنان شريف رمزي في تصريحات تلفزيونية: ” أخويا تجاوز عمليات كتير جدا والمشكلة أنه خلاص تعافى جسمانيا من العدوى اللي كانت موجودة عنده من شهر 7، ولكن حاليا هو لسه في غيبوبة ودي مش بأيد حد غير ربنا، عشان كدة دايما بطلب من الناس تدعيله”.
وتابع: “مفيش حاجة حاليا لا في إيدينا ولا في إيد الدكاترة ومفيش مثلا دواء بيفوق الغيبوبة، واحنا على طول معاه وأمي وخطيبته، وأنا على قد ما أقدر بوفق بين شغلي وتواجدي معاه في المستشفى، ويارب يقوم بالسلامة في أقرب وقت لأنه كابوس وصدمة كبيرة وإن شاء الله نتخطاها”.
وعلى الجانب الآخر، يعد فيلم “الديلر” من أبرز أعمال المنتج صلاح رمزي، وشارك في العمل كمنتج منفذ، وهو من بطولة الفنان أحمد السقا، وعدد كبير من الفنانين، من بينهم مي سليم، خالد النبوي، سامي العدل، والعمل من تأليف مدحت العدل، وإخراج أحمد صالح.
من ناحية أخرى، سبق وأن أثار شريف رمزي الجدل بإعلانه قيام أحد الأشخاص بانتحال شخصيته، ويتحدث مع الفتيات والسيدات بطريقة غير لائقة ويطلب منهم مطالب غير لائقة، فكتب عبر “انستجرام”: “في شخص منتحل شخصيتي وبيتكلم بإسمي بقاله كام يوم من أرقام و حسابات مختلفة خارج مصر وبيطلب من بنات وممثلات طلبات مش كويسة وبينصب عليهم، أرجو من الجميع ياخد باله أنا معنديش حسابات غير حساباتي الموثقة”.
