الاستاذه ساره محمد أحمد معلمة اللغة الايطالية للمرحلة الثانوية في حوار هام للرأي العام المصري لكل مايخص اللغة الايطالية وما يهم ابناءنا طلبة الثانوية

الاستاذه ساره محمد أحمد معلمة اللغة الايطالية للمرحلة الثانوية في حوار هام للرأي العام المصري لكل مايخص اللغة الايطالية وما يهم ابناءنا طلبة الثانوية

حوار:هبة عادل

الاستاذه ساره محمد أحمد معلمة اللغة الايطالية من المعلمات التي تتميز بالمهارة والتفاني في التدريس ومساعدة كل الطلبة دون تردد فهي تتسم بصدر رحب كما تعمل على توفير كل سبل التعلم والثقة للوصول للطلبة مما يجعلها من أمهر المعلمات في مجالها.
فكان للرأي العام هذا الحوار الهام والممتع:

نبذة تعريفية عن حضرتك؟
ساره محمد أحمد معلم أول ومشرف لغه ايطاليه بالاسكندريه عندى 38 سنه خريجه كليه الالسن جامعه عين شمس دفعة 2006 اللغة الأولى في الدراسه اللغه الايطاليه والثانيه الانجليزيه.

بشتغل في وزاره التربيه والتعليم وتابعه لمنصات وزاره التربيه والتعليم وبشتغل مع المرحلة الثانويه وبشتغل كورسات وبشتغل في مجال الترجمه.

**سبب اختيار حضرتك لتدريس اللغه الايطاليه؟

الحقيقه انا في الثانويه عامه كنت علمى علوم وكان ليا ميول علمية و لكن لم اوفق حينها للكليه العلميه التى ارغبها فاتجهت لدراسة اللغات و دخلت كليه الالسن جامعه عين شمس بمجموع 95.4من عشره و
كانت آخر كليه طبيه حينها تقف عند مجموع  95.5من عشرة
و حقيقي ان واحد من عشره فى الميه حال بينى و بين تحقيق حلم الطفولة
و لكنه فى الحقيقة أن اختيار ربنا لى كان افضل بكثير
لانى احببت الكليه و و وفقت فيها بفضل و الله و عملت بمجرد تخرجي من الجامعة فى مجال الترجمة و التدريس و حتى الان بفضل الله و اعتقد انه المجال المناسب لى بالفعل
و من هنا بوجه رساله لكل طالب ثانويه عامه لم يوفق للمجال.

الذي كان يطمح اليه انها مش نهاية الكون لأن رب الخير لا يأتي الا بالخير .

فقط ثق فى تدبير ربنا ليك و تيقن أنه عند الله مفيش ابدا مجهود بيضيع و لكل مجتهد نصيب
و النجاح الحقيقى هو ان تكون قمه فى مكانك و تكون مميز و مختلف و مؤثر فى اى مكان ربنا يكتبهولك
احيانا كتيره ربنا سبحانه وتعالى بيعدل مسارنا عشان ندخل مجال يناسب قدراتنا و نلاقى نفسنا و شغفنا فيه
بفضل الله انا تخرجت من الجامعة وحصلت ايضا على دبلومة فى التربية من جامعة الاسكندرية
و طورت نفسى فى لغتى و حصلت على شهادات من جامعة سيينا الايطالية.

ومازلت اسعى لتطوير نفسى طول الوقت لان دراسة اللغات من المجالات اللى طول الوقت محتاجه تحديث و معاصره لاى تطورات تحدث فى المجتمع
اختيار اللغه الايطاليه تحديدا لانها من اللغات السهلة اللطيفه المطلوبة في سوق العمل

**هل تعتبر اللغه الايطاليه من اللغات التي يصعب على الطالب معرفتها؟

اللغه الايطاليه تصنف انها لغه سهل استيعابها في أقل وقت و في ناس بتاخد كورسات مكثفة بعد وقت قليل بتتكلم ايطالي كويس فهي من اللغات السهلة فعلا فى دراستها و كمان تتميز انها الذي ينطق يكتب و بها كلمات كتير شبه اللغة العربية و تفيد الطالب في أنه يحصل على الدرجات النهائية فيها وتساعده أن يحسن مجموعة وطبعا لازم الترشيح لها من كل الناس ان يدرسوا اللغه الايطاليه.

**حضرتك ازاي تتواصلي مع الطلبة خصوصا انها بتبقى مادة جديدة؟
احنا بنحاول نلفت نظر الطالب أهمية دراسات اللغات وانا برفض التعامل مع اللغه الايطاليه على انها مجرد ماده دراسيه هي لغه تانيه ليك بتكون معاك بعد ثانويه عامه .

تقدر تستخدمها وطبعا عمر ما دراسه اللغه بتخسر فا يجب أن تحرص على تعلم اللغة والفكرة انه لو حب اللغة حييتعلمها وهيحب يزود نفسه فيها.

**هل يختلف التعامل مع الطلاب في كل مرحلة أو سنة دراسية؟

احنا بنتعامل مع طلاب كبار المرحلة الثانوية اكيد طالب اولى ثانوي غير ثانيه او ثالثه بس بتعامل مع معاه كانه ابني او بنتى وانا بربيه وبشوفه داخل من اولى لحد ما يوصل للجامعه بتاعته وطبعا واحنا معاه بيكتشف نفسه وميوله يحب اللغة ولا يدخل ادبي وعلمي وده بيخليه عنده نوع من تحمل المسؤولية.

وتحديد اتجاهاته يتحول الطالب من مراهق الى شخص ناضج لان المرحله دي بتفرق جدا وبتغير فكره واحنا بنشوف الطلبه ثلاث سنين ازاي الشخصيات بتتغير ازاي بيدخل شخص مراهق وبيطلع شخص ناضج لان ده دور من ادوارنا اما انا كسنيوره ساره بحب ولادى و دايما بقولهم انا بربى و بعلم .

**حضرتك بتفضلي أسلوب معين لتحبيب الطلاب في المادة؟
لازم قبل ما احبب الطالب في المادة اكسر الحاجز اللي بيني وبينه بحاول اتعامل مع الطالب وافهم دماغه وتفكيره ميوله شغفه بشكل يليق مع مكانتي كمعلمة.

عشان أزيل الحاجز اللي بينا ويقدر يسألني بكل ارياحيه ويقدر يتعامل معايا يوصل لي خوفه و يقدر يسأل و يتفاعل طول الوقت
لازم اعرف نقاط ضعفه عشان اقدمله نصيحه مناسبه يقدر يستفيد بيها و يطور نفسه .

⚪خليك عارف ، اللغة مش بنتعلمها في يوم وليلة ابدًا اللغة محتاجه وقت ومجهود جبار واي بذرة بتحطها دلوقتي هتحصدها بعدين فعلًا وهترتاح، مش محتاجه كسل وتكبير دماغ، وسائل التعليم كتير جدًا خصوصا دلوقتي فيه مليون مصدر لحاجة واحدة والتعلم بقى بسيط وسهل الأيام دي بس بيحتاج منك مجهود وشغل على نفسك جبار عشان تقدر تكمل

**يمكن من حضرتك نصائح لطلاب المرحلة الثانوية؟

اعرف انها هتعدى والتعامل معها بمرونة ولين وتطبطب على نفسك وابقى عارف انها سنه مش مجرد سنه دراسيه لا هتفرق معاك هيقابلك حاجات كتير ساعات بتكون زعلان و محبط و ساعات هتكون متحمس فلازم اعمل توازن بين الشعور ده و ده.

ودايما بقول ممكن اتعامل مع الطالب الخايف لكن صعب اتعامل مع الطالب المحبط لأن الخوف ده عرض صحي ممكن يحفز صاحبه انه يشتغل اكتر عشان يتخطى الخوف و لكى يطمئن قلبه
لكن الإحباط و اليأس و الانهيار .

قد يسبب الفشل و لكى لا تصاب باليأس والإحباط لازم اكون عارف دوري أنت محتاج سعي وصبر عشان تكمل و ده اللي يميز الطالب الشاطر لازم الطالب يكون عنده نفس طويل علشان بالسعي بس يمكن تقع لكن سعي و يصبر وطبعا ثقتك في ربنا انه لن يضيعنا ابدا وده وعد ربنا ليك ان الله لا يضيع اجرا من احسن عملا لازم تحط شعار ليك في كل وقت وتحافظ على علاقتك بربنا
و تعرف انها معادله محسومة سعى و صبر و ثقه فى تدبير ربنا سبحانه و تعالى ليك لازم تكون النتيجة الحتمية أن يجبر الله بخاطرك و يرزقك من حيث لا تحتسب فقط اصبر.

**كلمه اخيره من حضرتك تضيفهلنا؟
بشكرك جدا على الحوار الممتع ده و بوجه نصيحتى و كلامى لكل طلبه الثانويه العامه و دارسى اللغات فى كل مكان
دراسه اللغات ممتعة و بتتيح ليك فرص كتيره للعمل فى مجالات مختلفه
اغتنم فرصه انك حتدرس لغه جديده فى المرحله الثانويه و اتعلمها بجد و بحب و بحماس اتعلمها مع حد متخصص عشان يقدر يفيدك و يساعدك طور نفسك و اعرف ان طريق النجاح مش ممهد بالورود و الشطاره انك تعافر للنهايه
ساعد نفسك بنفسك و خليك عون لزملائك
و لا تنسى اثر الكلمات الطيبه فى النفوس

وطلابى فى الثانويه عامه وعارفين اني مش سنيوره ساره بس انا معاهم ماما سنيوره ساره طول السنه بحاول احفزهم و ادعمهم ودول ولادي وطبعا المادة العلمية بتنتهي لكن الاثر او الكلمه الطيبه بتفضل ورسالتي ان اترك اثر لاننا جميعا سنرحل وسيبقى الآثر.
وبالتوفيق
وللحديث بقية،،،،،،،

اقرأ أيضًا:

• طارق الشناوي: قائمة الأجور مفبركة والقوائم موجودة منذ زمن ولها منطق

• شيرين عبدالوهاب تتقدم ببلاغ ضد شخص استولى على قنواتها وصفحاتها الرسمية

• تحذير عاجل من الأرصاد: مرتفع جوي يضرب البلاد.. وأتربة ورمال مثارة على جميع الأنحاء

• التجمع يناقش مقترح مشروع قانون الأحوال الشخصية الجديد ببني سويف 

• الصحة: تفعيل خدمة الإقلاع عن التدخين في 14 عيادة بمستشفيات أمانة الصحة النفسية

• وزير الرياضة يهنىء منتخب مصر بالفوز بكأس إفريقيا للبومزا برواندا

• منطقة الإسكندرية الأزهرية تعلن فتح باب التظلمات على نتيجة الدور الثاني للشهادة الثانوية الأزهرية

• البنك الأهلي المصري يوقع اتفاقية مع مكتب أبو ظبي للصادرات لفتح خط ائتمان بقيمة 100 مليون دولار لتنمية الصادرات الإماراتية

نقدم لكم من خلال موقع (الرأى العام المصرى )، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.