حسام وشيرين والاختيار الخاطيء

حسام وشيرين والاختيار الخاطيء

 بقلم /ساره شاهين
أخصائي نفسي واسري

شيرين وحسام حبيب كل الناس والقنوات والسوشيال ميديا بتتكلمهم عنهم طيب في فوسطنا كام حسام وشرين واحنا مش عارفين عنهم حاجه احنا عرفنا بس القصه دي عشان شهرتهم الموضوع ده يتخلص في الاختيار الغلط الاختيار اللي مش علي أساس صح واحده زي شرين عظيمه وصوت من احلي أصوات في مصر اتدمرت بسبب شخص اتدمرت بسبب بني آدم ليه كل ده عشان الحب ؟ ولو شرين الناس بتقول عليها بتتعاطي حاجه هي من امتي اتقال عليها كلام زي ده أصلا .

شرين اتغيرت وخسرت جمهور وخسرت نفسها قبل أي شيء وكل حاجه في حياتها ، السؤال هو ينفع حد يعمل في نفسه كده عشان أي بني ادم في الحياه ردي أنا “لا طبعا” ولو روحك فيه نفسك اهم من أي حد لان مفيش حد بيبكي علي حد كل واحد من الآخر بيشيل شلته ،

الشباب والبنات اللي لسه بتتجوز او المتجوزين لو حد مأثر علي التأني بالسلب وماثر علي حياتكم ونفسيتكم ونفسكم اهربو وخدو قصه شرين عبره ليكم ، لان فعلا لو عندك حد مؤذي في حياتك هيدمرك ، أنا مع شرين قلبا وقالبا وده مش عشان هي ست لا عشان ازاي واحده تكون متجوزه واحد ومامناله وهو يصورها ويفضحها بالمنظر ده ازاي كل التصريحات منه هو ؟ هي فين شيرين ؟

موقعها ايه في الحكايه بجد ، حسام بني ادم لا يؤتمن باللي عمله طيب لو خايف عليها فعلا وديها مستشفى ، لكن اللي بيعمله ده لا يمت للرجوله بولا شيء ، واضح جدا من القصه دي أن شيرين ضحيه وغلطتها في اختيارها لأبو عيون ملونه اللي كانت بتقولهاله ، جمال الراجل فعلا في رجولته في نخوته في خوفه عالست اللي معاه ، انه يحافظ عليها ويخبيها من الدنيا كلها لو عندها حاجه تخلي الناس تبصلها بنظره وحشه ، كل اللي محتاجه اقوله لو بتختار اختار صح ولو اخترت بالفعل

وطلع اختيار غلط ما تكملش لان الغلط مش في الغلطه الغلط اللي بجد انك تكمل في الغلط ، دعواتي من كل قلبي لشرين ووبناتها اللي هما لاحول لهم ولاقوه في اللي شايفنه واكيد التنمر عليهم في كل حته حتي المدرسه لان الاختيار الغلط لبني ادم مش بيدمر شخص واحد دا بيدمر أسره كامله وانا ( ساره شاهين) لو اقدر أساعد باي حاجه مستحيل اتأخر عن أي شخص محتاج مساعده في مشكله من النوع ده او أي نوع وبدون أي مقابل لأني ببساطه بساعد بني آدم والإنسان ضعيف جدا جدا بالذات في وقت شدته

نقدم لكم من خلال موقع (الرأى العام المصرى )، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية