الرئيسية
قصيدة بعنوان “يا مسافر”
بقلم الشاعر/ محمد سعدون
الجمعة 9/10/2020
يا طير يا مسافر بعيد
وسايبني في سهدي وحيد
ليه تبعني و ليه تسبني
ونار الغرام في قلبي تئيد
يا طير أرجعلي من تاني
بلاش تسبني وحداني
في همي وسط أحزاني
أبكي وحدي من التنهيد
يا طير أرجع لعشك
وسيبك من الي يغشك
أنا الي بحبك ووشك
يداوي همي وحزني أكيد
يا طير أرجع وتعالى
في قربك عشتي تحلالي
معاك الدنيا جيالي
وفرحي بيك ياخدني بعيد
يا طير انت الي في النني
بلاش من حبك تحرمني
ولا تبعد في يوم عني
بلاش تبعد وتبقى عنيد
