شئ طبيعى

الشاعر/ عاطف محمد

شىء طبيعى
وحاجه معقوله وصريحة
كل يوم
ناخد ف علقه وف ….طريحة
كل يوم
يتبلوا على سيدنا النبى
هوه يعنى عشان يتيم
أصله أمى
بس علم كل جيل الإنسانيه
الحضارة والمعانى النورانية
قالوا شاعر….. قالوا ساحر
قالوا ف الإفك الكلام
قالوا بعواء الملام
طلعوا مليون جراب
زى حاوى عقله داب
غيره ممكن …. شك جايز
أو كلام سكر الأزايز
المهم أتقال وبس
ملحه داب وكأنه فص
كبرهم بالخبث…. بص
بصه سوده مش مريحه
شىء طبيعى
وحاجه معقوله وصريحة
إن جنة ربنا
تبقى عمرانه وفسيحه
للعباد المؤمنين
بس لازم يبقى فيه حد ف سقر
يبقى شارب م الأنين
من كتابه ورسم على فيلم وإساءة
الحكاية مش خناقه
أو رأى حر بميت صدى
أو حناجر يبكى صوتها بالفدا
أحنا اللى خلينا العدا
ليهم ضوافر
بوزها حافر ف الجلود
يوم ما بطلنا نجود
لما حالنا ضاع علامه م الوجود
كل شىء مستوردينه
م الإبره حتى للصاروخ
كسروا عينا
ومين يعينا ع البلا
صدرو لنا ألعاب عنيفه
وفكر جيفه
وكلام يتوه عقلنا
يبحبطنا …. يحرق دمنا
لما هانوا المصطفى
كان غرضهم أمننا
نقتل نسيح دمنا
ونعيب ونجرح بعضنا
أما الحبيب المصطفى
ده فوق دماغنا كلنا
وربنا حافظه وكافيه
من شر حاسد للسنا
بجد أحنا الغلطانين
ف اللخبطه متنتورين
ماسكين ف كنا الأعظمون
وأحنا اللى علمنا الجهول
ونسينا إسلامنا الحنون
وصلهم دينا شطط
إرهاب وحد …
وكله ممنوع…. غلط
لا فيه علوم ولا فيه عمل
ولا فيه فنون ولا فيه أدب
فوقوا شويه ياخلق هوه
أمتنا وصلت للغريق
عدت براميل الموده
ونجاتنا ساكنه ف المحبه
المحبه لرب خالق
والعلامه حب قرآنه الكريم
والدليل على حب قرآنه الكريم
حب النبى تاج الجبين
وعلامة الحب لرسولنا
حب هديه وسنته
واللى يحب السنه يكره
دنيا قايمه ع الفراغه
ما يخدش منها
إلا زاده والبلاغه
والله ياسيد الخلق تهنا
بس ناويين نرتجع
عن المغالطه والاونطه
والحياه النص نص
نبقى عباد الله بجد
نبنى لشيطانا ألف سد
ونخلى إسلامنا حياه
نعيشها ساجدين للإله
مع العمل والاجتهاد
والحق نديه للعباد
ونخلى كل الكون يقول
إلا سماحة المسلمين
وعدلهم وشغلهم
وعلمهم وفنهم
حسن المعامله عندهم
والكلمه عهد يضمهم
لؤلؤ منور ف الطريق
يارب نبقى زيهم
يارب …….
نبقى زيهم