وراء كل باب حكايه
بقلم : حنان حامد
من كام شهر كانت واحده من صحابي على وشك الطلاق، جابوني هي وجوزها وقالولي احكمى مين فينا الغلطان ومين اللي معاه الحق
كل واحد فيهم قعد يحكي والتاني يقاطعه وكل شوية حد يبصلي ويقولي أنا كده الغلطان؟ وبعد شوية مين كده اللي كان معاه الحق وبعد شوية مين اللي المفروض يعتذر في الموقف دا؟
كل الأسئلة من النوع دا ولقيت نفسي بتجرجر لفخ إني أطلع حد منهم هو الصح وحد هو الغلط ، فخ هما عايشين فيه من سنين، وكل واحد بيلوم عالتاني
وللأسف كنت بدأت شوية بشوية أحلل المواقف وأقول لدا عندك حق وأرجع أقول لصاحبتي هنا كان عندك حق
بعدين حسيت إني كنت في غيبوبة وفوقت كده ورجعت لورا وقولتلهم ثواني بس هو أنتوا يهمكم إن كل واحد فيكم يطلع هو الصح ومش غلطان ولا يهمكم تحلوا المشكلة
العجيب إن كان في مكابرة، كان الأهم هو كل واحد يبرأ نفسه مش كل واحد يحاول يحل المشكلة
وبعد شوية نقاشات كبيرة اكتشفت انهم ميعرفوش حاجة عن بعض، والنتيجة كانت إن صاحبتي بتحب تسمع كلام حلو وجوزها بيحب الهدايا والوقت
كل واحد فيهم بيدي التاني مفهومه هو عن الحب
الزوج بيحب الهدايا فبيجيبلها هدايا لأن دي الحاجة اللي بتسعده وفاكر إنها هتسعدها لكن هي مش فارق معاها الهدايا وعاوزه تسمع كلام حلو
فهو شايف انه مش غلطان، وشايف انها مقدرتش اهتمامه بيها ، وهي شايفة انه غلطان لأنه معرفش يقدرها ويقولها كلام حلو يوم عيد ميلادها هو جابلها هدية بس اداهالها من غير ما يقول كلام حلو كتير
وهي كانت بتكتبله جوابات وتقوله كلام جميل بس أغلب الوقت مشغوله مع الاولاد وهو كان بيبقى نفسه يقعدوا سوا يتفرجوا على فيلم أو يقضوا وقت فهي بتقدم الحاجات اللي بتسعدها هي لشخص مش بيتأثر بالكلام الحلو ومحتاج القعدة الحلوة
بعد شوية تفاهم لقيتهم بيراجعوا نفسهم وبيسألوا بعض عن حاجات حصلت وهما مستغربين ، ايه دا أنتي كان قصدك كذا؟ وأنت كنت عاوز توصلي كذا ؟
أول ما عرفوا بعض كل حاجة اختلفت، وكأنهم كانوا أغراب قبل كدا رغم استمرار جوازهم لسنين
قبل ما تفكر مين الغلطان ومين الصح ومين الغلط، فكر الأول أنت عرفت الشخص اللي معاك كويس ؟
في ناس بتعرف بعض بعد ما يسيبوا بعض اه والله
مهم نعرف إيه الصح وإيه الغلط، بس قبلها محتاجين نعرف نفسنا كويس ونعرف الناس اللي معانا
نعرفهم
نكتشفهم
نفهمهم
اقرا ايضا
- أزمات سوناك تتوالى بشأن بروتوكول أيرلندا الشمالية
- نانسي عجرم تعلن عن روتين يومي للعناية ببشرتها
- تعليق صادم لـ حلا شيحة بعد خلع الحجاب
- ما مفهوم تقنية الـ NFT ؟
- هل يتفقان صربيا و كوسوفو ام حرب جديدة قادمة ؟
- السيسي يحرص علي أرقى المعايير العلمية والفنية والنفسية للوظائف العامة
- تشكيل الاهلي امام الداخلية .. كهرباء يقود الهجوم والكندوسي هو الاساسي
ونقدم لكم من خلال موقع (الراي العام المصري)، تغطية ورصدًا مستمرًّا على مدار الـ 24 ساعة لـ أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، كأس مصر , دوري القسم الثاني , دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري لـ أخبار الفن والعديد من الأنشطة الثقافية والأدبية.
